चंद्रग्रहणाचं 'धुरंधर 2' वर सावट; निर्मात्यांनी शेवटच्या क्षणी प्लॅन बदलला, ट्रेलर कधी रिलीज होणार?

Dhurandhar 2 The Revenge trailer postponed chandragrahan: धुरंधर 2 चित्रपटाचा ट्रेलरची डेट पुढे ढकलण्यात आली आहे.

Dhurandhar 2 The Revenge trailer postponed

Source : Canva

Dhurandhar 2 trailer delayed due to eclipse: धुरंधर 2 हा चित्रपट प्रदर्शित होण्यासाठी फक्त 16 दिवस उरले आहेत. 19 मार्चला  हा चित्रपट सिनेमागृहात रिलीज होईल. यशचा टॉक्झिक आणि धुरंधर 2ची टफ फाईट आपल्याला बॉक्स ऑफिसवर पाहता येईल. कारण दोन्ही चित्रपट एकाच दिवशी प्रेक्षकांच्या  भेटीस येणार आहे.  धुरंधर चित्रपटाने बॉक्स ऑफिसवर धुरळा उडवला. या चित्रपटाने वर्ल्ड वाईड 1,300 कोटींपेक्षा अधिक कमाई केली.  सध्या प्रेक्षक धुरंधर 2 आणि टॉक्सिक चित्रपटाच्या ट्रेलरची वाट पाहत आहेत. धुरंधर 2 चित्रपटाचा ट्रेलर 3 मार्च रोजी रिलीज होणार होता. दरम्यान, ट्रेलर पोस्टपोन करण्यात आलाय.   ट्रेलर पोस्टपोन करण्यामागचं खरं कारण समोर आलं आहे. यामागे चंद्रग्रहण हे कारण असल्याचं बोललं जात आहे. 

धुरंधर 2 चित्रपटाचा टीझर रिलीज होऊन जवळजवळ एक महिना झाला.  टीझर पाहून चाहते नाराज झाले होते.  या टीझरमधून जुनी स्टोरी दाखवण्यात आल्याचे प्रेक्षकवर्ग म्हणाले. धुरंधर 2 च्या टीझरला  1.7 कोटी व्ह्यूज मिळाले आहेत.  दरम्यान,  प्रेक्षक आता आतुरतेने धुरंधर 2च्या ट्रेलरची वाट पाहत आहेत.  परंतु, मीडिया रिपोर्ट्सनुसार,   आज भारतात चंद्रग्रहण आहे. चंद्रग्रहणामुळे ट्रेलरची वेळ आणि तारीख बदलली असल्याचं बोललं जात आहे. 

बॉलिवूड हंगामच्या वृत्तानुसार,  धुरंधर 2 द रिव्हेंज या चित्रपटाचा ट्रेलर 3 मार्च रोजी प्रदर्शित होणार होता.  निर्मात्यांनी चित्रपटाचा ट्रेलर या दिवशी रिलीज करण्याची योजना आखली होती. परंतु,  शेवटच्या क्षणी ट्रेलर रिलीजच्या तारखेत बदल करण्यात आला. 3 मार्च रोजी भारतात चंद्रग्रहण आहे. जे नवीन सुरुवातीसाठी अशुभ मानले जाते. अशी माहिती मिळाल्यानंतर निर्मात्यांनी ट्रेलर रिलीजच्या प्लॅनमध्ये बदल केला. सहसा ट्रेलर 12 वाजेपर्यंत रिलीज करण्यात येतो.  मात्र, चंद्रग्रहणामुळे ट्रेलर रिलीजच्या तारखेत बदल करण्यात आलाय. टीमने ट्रेलर पुढे ढकलण्याचा निर्णय घेतला. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ranveer Singh (@ranveersingh)

मीडिया रिपोर्ट्सनुसार, चित्रपटाचा ट्रेलर 5 मार्च रोजी मुंबईतील प्रसिद्ध नीता मुकेश अंबानी कल्चरल सेंट्रलमध्ये लाँच होणार असल्याची माहिती समोर आली होती. त्यानंतर हा प्लान कॅन्सल करण्यात आला. 5 किंवा 6 मार्च रोजी कोणत्याही कार्यक्रमाशिवाय  डिजिटल प्लॅटफॉर्मवर ट्रेलर लाँच करु शकतात, अशी माहिती समोर आली आहे.  दरम्यान, ट्रेलरच्या रिलीज तारखेबद्दल गोंधळ कायम आहे.  धुरंधर 2 चित्रपटाचा ट्रेलर नेमकं कधी रिलीज होणार? याची अधिकृत माहिती लवकरच समोर येईल.