Ranu Mondal : रानू मंडल झाली नवरी, 'कच्चा बदाम' गाण्याचं नवं व्हर्जन गातानाचा व्हिडीओ व्हायरल

Ranu Mondal : सध्या रानू मंडल सोशल मीडियावर चर्चेत आहे.

Ranu_Mondal

Ranu Mondal : अनेक कलाकारांना सोशल मीडियामुळे लोकप्रियता मिळत आहे. त्यामुळे हे कलाकारमंडळी रातोरात सेलिब्रिटी झाले आहेत. अशा रातोरात सेलिब्रिटी होणाऱ्या कलाकारांची संख्या दिवसेंदिवस वाढत आहे. अनेक वर्षांच्या मेहनतीशिवाय हे कलाकार रातोरात स्टार झाले आहेत. यात रानू मंडलचादेखील समावेश आहे.

Kacha badam ft ranu mondal
😭😂#TejRan pic.twitter.com/ROboNTNXuA

— 𝓐𝓱𝓪𝓷𝓪 𝓓 (@ahana_d9) April 13, 2022

काही दिवसांपूर्वी भुबन बड्याकरने गायलेलं 'कच्चा बदाम' हे गाणं प्रचंड व्हायरल झालं होतं. आता रानू मंडलने हे गाणं एका वेगळ्या अंदाजात गायलं आहे. रानू मंडलचा 'कच्चा बदाम' हे गाणं गातानाचा एक व्हिडीओ प्रचंड व्हायरल होत आहे. या गाण्यात रानू मंडल नवरीच्या लूकमध्ये दिसत आहे. रानू मंडलने लाल रंगाची साडी नेसली आहे. तसेच दागिनेदेखील घातले आहेत.

2019 मध्ये गाणकोकिळा लता मंगेशकरांचे 'प्यार का मगमा' गाणे गात रानू मंडल रातोरात स्टार झाली. रेल्वे स्टेशनवर गाणे गाणाऱ्या रानू मंडलचा व्हिडीओ तुफान व्हायरल झाला. त्यानंतर तिने थेट हिमेश रेशमियाच्या स्टुडिओमध्ये तीन गाणी रेकॉर्ड केली. आता 'कच्चा बदाम' गाण्यामुळे रानू मंडल पुन्हा चर्चेत आली आहे. सोशल मीडियाने रानू मंडल यांना स्टार केलं. पण याच सोशल मीडियावर त्यांना ट्रोल देखील केलं जातं. 

रातोरात बदलले होते नशीब!

काळ बदलायला खरोखरच वेळ लागत नाही. कधीकाळी रानू रेल्वे स्टेशनवर बसून गाणी म्हणायची. त्यानंतर तिचा व्हिडीओ सोशल मीडियावर इतका व्हायरल झाला की, ती रातोरात स्टार बनली. त्यानंतर गायक हिमेश रेशमियानेही आपल्या चित्रपटात तिला गाण्याची संधी दिली. त्यादरम्यान रानू देखील खूप चर्चेत होती. पण, काळ बदलला आणि रानू अवस्था पूर्वीसारखीच झाली. आता रानू मंडलवर बायोपिक बनणार असल्याची चर्चा सुरु झाली आहे. अभिनेत्री इशिका डे रानूची भूमिका साकारणार आहे.

संबंधित बातम्या