(Source: ECI/ABP News/ABP Majha)
Parineeti Chopra And Raghav Chadha: फटाक्यांची आतषबाजी आणि मजेशीर गेम्स; चड्ढा कुटुंबाच्या घरी परिणीतीचं जंगी स्वागत, व्हिडीओ व्हायरल
Parineeti Chopra And Raghav Chadha: नुकताच एका इन्स्टाग्राम पेजवरुन खास व्हिडीओ शेअर करण्यात आला आहे. या व्हिडीओमध्ये राघव चड्ढाच्या घरी परिणीतीचे स्वागत कसे झाले? हे दाखवण्यात आलं आहे.
Parineeti Chopra And Raghav Chadha: बॉलिवूड अभिनेत्री परिणीती चोप्रा (Parineeti Chopra) आणि राघव चड्ढा (Raghav Chadha) यांचा शाही विवाह सोहळा उदयपूर येथे पार पडला. परिणीती आणि राघव यांच्या लग्नसोहळ्यातील फोटो आणि व्हिडीओ सोशल मीडियावर व्हायरल झाले. नुकताच Four Fold Pictures या इन्स्टाग्राम पेजवरुन एक खास व्हिडीओ शेअर करण्यात आला आहे. या व्हिडीओमध्ये राघव चड्ढाच्या घरी परिणीतीचे स्वागत कसे झाले? हे दाखवण्यात आलं आहे.
सोशल मीडियावर व्हायरल झालेल्या व्हिडीओच्या सुरुवातीला दिसत आहे की, परिणीती चोप्रा ही तिचे पती राघव चड्ढा यांचा हात धरून चड्ढा कुटुंबाच्या घरी म्हणजेच तिच्या सासरी येते. परिणीतीच्या स्वागतासाठी चड्ढा कुटुंबाने घर सजवलेले होते. व्हिडीओमध्ये दिसते की, घरातील सजावट पाहून परिणीती आनंदी होते. चड्ढा कुटुंबाच्या घरात परिणीतीचे ढोल वादन आणि फटाक्यांची आतषबाजीने स्वागत केले जाते.
त्यानंतर व्हिडीओमध्ये दिसत आहे की, परिणीती ही चड्ढा कुटुंबाच्या घरात गृहप्रवेश करते. घरात प्रवेश केल्यानंतर राघव आणि परिणीती प्रश्न-उत्तरांचा मजेशीर गेम्स देखील खेळतात.
पाहा व्हिडीओ:
View this post on Instagram
उदयपूरमधील 'द लीला पॅलेस' येथे परिणीती आणि राघव यांचा शाही विवाहसोहळा पार पडला आहे. पंजाबचे मुख्यमंत्री भगवंत मान, लोकप्रिय फॅशन डिझायनर मनीष मल्होत्रा, शिवसेना उद्धव ठाकरे गटाचे नेते आदित्य ठाकरे आणि दिल्लीचे मुख्यमंत्री अरविंद केजरीवाल यांनी परिणीती आणि राघव यांच्या विवाह सोहळ्याला हजेरी लावली होती.
परिणीतीचा लग्नसोहळ्याचा लेहेंगा सेलिब्रिटी फॅशन डिझायनर मनीष मल्होत्राने डिझाइन केला आहे. परिणीती आणि राघव यांनी त्यांच्या लग्न सोहळ्याचे फोटो सोशल मीडियावर शेअर करुन कॅप्शनमध्ये लिहिलं, "नाश्त्याच्या टेबलावर आमची पहिली भेट झाली. पहिल्या भेटीतच चांगली मैत्री झाली. मैत्रीचं रुपांतर पुढे प्रेमात झालं. त्यानंतर गेल्या काही दिवसांपासून आम्ही या दिवसाची आतुरतेने वाट पाहत होतो. अखेर आता आम्ही मिस्टर आणि मिसेस झालो आहोत. आम्ही एकमेकांशिवाय आयुष्य जगू शकत नव्हतो. आता नव्या प्रवासाला आम्ही सुरुवात केली आहे".
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
