Bholaa Box Office Collection: 'भोला'च्या कमाईत पाचव्या दिवशी मोठी घसरण; पाहा बॉक्स ऑफिस कलेक्शन
वीकेंडला चित्रपटाने चांगली कमाई केली. पण आता सोमवार (3 एप्रिल) या चित्रपटाच्या कमाईत घसरण झाली आहे.
Bholaa Box office collection: रामनवमीच्या दिवशी (30 मार्च) अभिनेता अजय देवगणचा (Ajay Devgn) 'भोला' (Bholaa) हा चित्रपट चित्रपटगृहांमध्ये प्रदर्शित झाला. या चित्रपटाला समीक्षक आणि प्रेक्षकांकडून चांगला प्रतिसाद मिळत. 'भोला' चित्रपटानं बॉक्स ऑफिसवर धमाकेदार ओपनिंग केली, पण दुसऱ्या दिवशी चित्रपटाच्या कमाईत घसरण झाली होती. वीकेंडला चित्रपटाने चांगली कमाई केली. आता सोमवार (3 एप्रिल) देखील या चित्रपटाच्या कमाईत घसरण झाली आहे.
क्रिटिक्स तरण आदर्शने इन्स्टामवर शेअर केलेल्या पोस्टनुसार, 'भोला' चित्रपटानं गुरुवारी 11.20 कोटी कमावले. शुक्रवारी 7.40 कोटी आणि शनिवारी 12.20 कोटींची कमाई भोला या चित्रपटानं केली. तर रविवारी या चित्रपटानं 13.48 कोटी कमावले. आता पाचव्या दिवशी म्हणजेच सोमवारी (3 एप्रिल) या चित्रपटाच्या कमाईत घसरण झाली आहे. सोमवारी या चित्रपटानं 4.50 कोटींची कमाई केली आहे. पाच दिवसात या चित्रपटानं 48.78 कोटींची कमाई केली आहे. हा चित्रपट लवकरच 50 कोटींची कमाई करेल, असा अंदाज लावला जात आहे.
View this post on Instagram
अजयनं भोला या चित्रपटाचं जोरदार प्रमोशन केलं. या चित्रपटासाठी त्याने 30 कोटी मानधन घेतलं आहे. भोला चित्रपटात अभिनेता अजय देवगणसोबतच अभिनेत्री तब्बू, दीपक डोबरियाल, संजय मिश्रा, अमाला पॉल आणि गजराज राव यांनी प्रमुख भूमिका साकारली आहे. भोला हा चित्रपट 2019 मध्ये रिलीज झालेल्या कॅथी या चित्रपटाचा हिंदी रिमेक आहे. या चित्रपटाचे दिग्दर्शन तेव्हा लोकेश कनगराजने केलं होतं. भारतात या चित्रपटानं 200 कोटींपेक्षा जास्त कमाई केली होती.
तुम्हाला अॅक्शन चित्रपट पाहण्याची आवड असेल तुम्ही अजय देवगणाचा भोला हा चित्रपट पाहू शकता. एका मीडिया रिपोर्टनुसार अजय देवगणचा हा चित्रपट जवळपास 125 कोटींच्या बजेटमध्ये बनला आहे.
अजयनं केलं दिग्दर्शन
अजय देवगणनं भोला या चित्रपटाचं दिग्दर्शन केलं आहे. त्याने 'यू मी और हम', 'शिवाय' आणि 'रनवे 34' या चित्रपटांचे दिग्दर्शन केले होते. अजयच्या चित्रपटांना प्रेक्षकांची पसंती मिळते. त्याच्या आगामी चित्रपटांची प्रेक्षक उत्सुकतेने वाट बघत असतात. त्याच्या दृष्यम-2 या चि६पटानं बॉक्स ऑफिसवर धुमकूळ घातला होता.
इतर महत्वाच्या बातम्या:
Ajay Devgn : 'भोला'साठी अजय देवगणने किती घेतलं मानधन? आकडा वाचून थक्क व्हाल
महत्त्वाच्या बातम्या
