Kolhapur Crime: कोल्हापूरमध्ये विवस्त्र व्यक्तीचा मृतदेह सापडला, चेहरा-मानेवर खोल वार, मनेरमळा परिसरात खळबळ
Kolhapur Crime news:या व्यक्तीच्या डोक्यावर, मानेवर आणि चेहऱ्यावर जखमेच्या खुणा आहेत. या व्यक्तीला बेदम आणि निर्घृणपणे मारहाण करुन संपवण्यात आले असावे
Kolhapur Murder News: कोल्हापूरमध्ये मनेरमळा परिसरात एका व्यक्तीचा खून (Murder news) झाल्याची माहिती समोर आली आहे. येथील गांधीनगर पोलीस ठाण्याच्या हद्दीत सोमवारी हा मृतदेह आढळून आला. यानंतर याठिकाणी पोलिसांना पाचारण करण्यात आले. मृत व्यक्तीच्या अंगावर कोणतेही कपडे नव्हते. या व्यक्तीच्या डोक्यावर, मानेवर आणि चेहऱ्यावर जखमेच्या खुणा आहेत. या व्यक्तीला बेदम आणि निर्घृणपणे मारहाण करुन संपवण्यात आले असावे, असा अंदाज आहे. या घटनेमुळे मनेरमळा परिसरात एकच खळबळ उडाली आहे. पोलिसांनी मृतदेहाचा पंचनामा करुन तो ताब्यात घेतला आहे. सध्या पोलिसांकडून मृतदेहाची ओळख पटवण्याचे काम सुरु आहे. तसेच हा खून कोणत्या कारणाने आणि कोणी केला, याचाही तपास पोलिसांकडून सुरु आहे. (Kolhapur Crime news)
कोल्हापूर शहरालगत असलेल्या मनेरमळा परिसरात एकाचा खून झाल्याची धक्कादायक घटना समोर आली आहे. गांधीनगर पोलीस ठाण्याच्या हद्दीत मनेरमळा परिसरात एका व्यक्तीचा मृतदेह अंगावर कपडे नसलेल्या अवस्थेत रक्ताच्या थारोळ्यात आढळून आला आहे. डोक्यावर आणि चेहऱ्यावर गंभीर मारहाणीचे चिन्ह असून, या घटनेमुळे परिसरात एकच खळबळ उडाली आहे.
Kolhapur News: कोल्हापुरात मस्साजोग प्रकरणाची पुनरावृत्ती?
कोल्हापुरातील पाटगावचे माजी सरपंच महेश पिळणकर गेल्या दोन महिन्यापासून बेपत्ता असल्याची माहिती समोर आली आहे. महेश पिळणकर यांचं झालं तरी काय ?, असा सवाल पिळणकर कुटुंबीयांकडून उपस्थित केला जात आहे. महेश पिळणकर प्रकरणात पोलीस कारवाई करत नसल्याच्या निषेधार्थ आज संविधान हक्क संघर्ष समितीकडून निदर्शने करण्यात येणार आहेत. कोल्हापूरमधील दसरा चौकात होत असलेल्या या आंदोलनात बेपत्ता माजी सरपंच महेश पिळणकर यांच्या पत्नीसह कुटुंबीय उपस्थित राहणार आहेत.
Pune Crime news: पुण्यात गोरक्षकांनी तरुणाला मारलं, तोंडात शेण भरलं
खेड शिवापूर भागात गोरक्षकांकडून एका तरुणाला अमानुष मारहाण करण्यात आली आहे. म्हशी घेऊन जाणाऱ्या ट्रक चालकाला पकडून मारहाण करण्यात आल्याची माहिती आहे. यावेळी गोरक्षकांनी या तरुणाच्या तोंडात शेण घातले. आंबेगाव पोलिसांकडून मारहाण करणाऱ्या गोरक्षकांविरोधात गुन्हा दाखल करण्यात आला आहे. आरोपींकडून मारहाण करताना, वाहन चालकाला धर्म आणि जातीवरून शिवीगाळ झाल्याचा आरोप करण्यात आला आहे. समाजात जातीय तेढ निर्माण करण्यासाठी आरोपीने व्हिडिओ व्हायरल केल्याप्रकरणी पोलिसांनी गुन्हा दाखल केला आहे.
आणखी वाचा
महत्त्वाच्या बातम्या
