Bholaa Trailer : 'भोला'चा धमाकेदार ट्रेलर रिलीज; सिंघम, दृष्यमनंतर पुन्हा एकदा अ‍ॅक्शन मोडमध्ये झळकणार अजय देवगण

Ajay Devgn : बॉलिवूडचा सुपरस्टार अजय देवगणच्या (Ajay Devgn) आगामी 'भोला' (Bholaa) या सिनेमाचा धमाकेदार ट्रेलर प्रेक्षकांच्या भेटीला आला आहे.

Bholaa

Ajay Devgn Bholaa Trailer Released : बॉलिवूडच्या सर्वोत्कृष्ट अभिनेत्यांच्या यादीत सुपरस्टार अजय देवगणची (Ajay Devgn) गणना होते. अजयचा 'भोला' (Bholaa) हा सिनेमा लवकरच प्रेक्षकांच्या भेटीला येणार असून आता या सिनेमाचा धमाकेदार ट्रेलर प्रेक्षकांच्या भेटीला आला आहे. ट्रेलर रिलीज झाल्याने प्रेक्षकांची सिनेमाबद्दलची उत्सुकता वाढली आहे. 

'भोला'च्या ट्रेलरमध्ये काय आहे? (Bholaa Trailer Released)

'भोला'च्या ट्रेलरमध्ये अजय देवगणचा एक वेगळा अंदाज पाहायला मिळत आहे. वाईट गोष्टींचा नाश करत शत्रूंना धडा शिकवताना अजय दिसत आहे. अॅक्शनचा तडका आणि रोमांचक असलेल्या या ट्रेलरने प्रेक्षकांची उत्सुकता चांगलीच वाढली आहे. वडील-मुलीच्या नात्यावर भाष्य करणारा हा सिनेमा आहे. अॅक्शन, नाट्य, थरार, क्लायमॅक्स आणि भन्नाट स्टोरी असलेल्या या सिनेमाची प्रेक्षकांना उत्सुकता लागली आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ajay Devgn (@ajaydevgn)

'भोला' कधी रिलीज होणार? (Bholaa Release Date)

'दृश्यम 2'च्या यशानंतर अजयचे (Ajay Devgn) चाहते 'भोला' (Bholaa) या सिनेमाची आतुरतेने वाट पाहत आहेत. अजय देवगण आणि तब्बूची (Tabu) मुख्य भूमिका असलेला 'भोला' हा सिनेमा हा सिनेमा येत्या 30 मार्चला प्रेक्षकांच्या भेटीला येणार आहे. सिनेमात मुख्य भूमिकेत असण्यासोबत अजयने या सिनेमाच्या दिग्दर्शनाची धुरादेखील सांभाळली आहे. हा सिनेमा 3D आणि आयमॅक्समध्ये सिनेमागृहात प्रदर्शित होणार आहे. 

अजय देवगणचा 'भोला' हा सिनेमा 'कैथी' या ब्लॉकबस्टर दाक्षिणात्य सिनेमाचा हिंदी रिमेक आहे. अजय आणि तब्बूसह या सिनेमात दीपक डोबरियाल आणि शरद केळकरदेखील महत्त्वाच्या भूमिकेत दिसणार आहे. या सिनेमात तब्बू एका पोलीस अधिकाऱ्याच्या भूमिकेत दिसणार आहे. तर दीपक डोबरियाल नकारात्मक भूमिकेत दिसणार आहे. अजय देवगण आणि तब्बूच्या जोडीला पुन्हा एकदा रुपेरी पडद्यावर पाहण्यासाठी चाहते उत्सुक आहे. यआआधी 'दे दे प्यार दे' या सिनेमात त्यांनी स्क्रिन शेअर केली होती. 

अजय देवगणने 'भोला'चा ट्रेलर सोशल मीडियावर शेअर केला आहे. ट्रेलर शेअर करत त्याने लिहिलं आहे,"तुम्ही धाडसी असाल तर तुम्ही लढता आणि जिंकता. लढाई जिंकण्यासाठी संख्या, बळ आणि शास्त्राची आवश्यकता नसते". अजय पोस्टवर चाहत्यांनी कमेंट्स करत त्याला सिनेमासाठी शुभेच्छा दिल्या आहेत. हर हर महादेव, भोला ब्लॉकबस्टर होणार, अशा सकारात्मक कमेंट्स चाहत्यांनी केल्या आहेत. 

संबंधित बातम्या