Ajit Pawar camp NCP Candidate list: अजित पवारांच्या पहिल्या उमेदवार यादीने सुनील टिंगरे, नवाब मलिकांची धाकधूक वाढली, लिस्टमध्ये मुंबईतील एकाही उमेदवाराचं नाव नाही

Ajit Pawar camp Candidate list: धनंजय मुंडे यांना परळीतून, दिलीप वळसे पाटील यांना, आंबेगावमधून आशुतोष काळे यांना, कोपरगावमधून उमेदवारी देण्यात आली आहे.

Ajit Pawar camp NCP Candidate list

Source : Facebook

मुंबई: अजित पवार यांच्या राष्ट्रवादी काँग्रेस पक्षाकडून बुधवारी विधानसभा निवडणुकीसाठी 38 उमेदवारांची पहिली यादी प्रसिद्ध करण्यात आली. यामध्ये राष्ट्रवादी काँग्रेसमधील बंडानंतर अजित पवारांची (Ajit Pawar camp candidate list) साथ देणाऱ्या अनेक बड्या नेत्यांचा समावेश नाही. पहिल्या यादीत नाव नसल्यामुळे अजितदादा गटातील या बड्या नेत्यांची धाकधूक वाढली आहे. पहिल्या उमेदवारी स्थान न मिळालेल्या अजितदादा गटाच्या नेत्यांमध्ये सुनील टिंगरे (Sunil Tingre), नवाब मलिक यांचा समावेश आहे.

सुनील टिंगरे पुण्यातील वडगाव शेरी मतदारसंघातील आमदार आहेत. कल्याणीनगर येथील पोर्शे कार अपघातामध्ये सुनील टिंगरे यांची भूमिका वादग्रस्त राहिली होती. अशातच वडगाव शेरी मतदारसंघातून लढण्यासाठी भाजपचे जगदीश मुळीक हेदेखील इच्छूक आहेत. त्यामुळे वडगाव शेरीची जागा भाजप आणि अजितदादा गटापैकी कोणाच्या वाट्याला जाणार, याचा फैसला अद्याप होऊ शकलेला नाही. त्यामुळे राष्ट्रवादी काँग्रेसच्या पहिल्या यादीत वडगाव शेरी मतदारसंघाचा समावेश नसल्याचे सांगितले जाते.

तर दुसरीकडे आर्थिक गैरव्यवहार प्रकरणात जेलवारी करुन आलेले आणि भाजपची नाराजी असलेल्या नवाब मलिक यांना शिवाजीनगर मानखुर्द विधानसभा मतदारसंघातून तर त्यांची मुलगी सना मलिक यांना अणुशक्ती नगरमधून उमेदवारी 100 टक्के मिळणार, असा अंदाज बांधला जात होता. मात्र, राष्ट्रवादी काँग्रेसच्या पहिल्या यादीत नवाब मलिक आणि सना मलिक यांच्या नावाचा समावेश नाही. किंबहुना अजितदादा गटाच्या पहिल्या उमेदवारी यादीत मुंबईतील एकाही जागेचा समावेश नाही. केवळ ठाणे जिल्ह्यातील कळवा-मुंब्रा मतदारसंघातून जितेंद्र आव्हाड यांच्याविरोधात नजीब मुल्ला यांच्या उमेदवारीची घोषणा अजित पवार यांच्या राष्ट्रवादी काँग्रेसने केली आहे.

अजित पवार गटाच्या पहिल्या उमेदवारी यादीतील 38 उमेदवारांची नावे खालीलप्रमाणे

बारामती- अजित पवार
येवला- छगन भुजबळ
आंबेगाव- दिलीप वळसे पाटील
 कागल- हसन मुश्रीफ 
परळी- धनंजय मुंडे
 दिंडोरी- नरहरी झिरवाळ
अहेरी- धर्मरावर बाबा अत्राम
श्रीवर्धन-  आदिती तटकरे
अंमळनेर- अनिल भाईदास पाटील
 उदगीर- संजय बनसोडे 
अर्जुनी मोरगाव- राजकुमार बडोले
माजलगाव- प्रकाश दादा सोळंके
वाई- मकरंद पाटील
 सिन्नर- माणिकराव कोकाटे
खेड आळंदी - दिलीप मोहिते पाटील
 अहमदनगर शहर- संग्राम जगताप
 इंदापूर- दत्तात्रय भरणे
अहमदपूर- बाबासाहेब पाटील
 शहापूर- दौलत दरोडा
 पिंपरी- अण्णा बनसोडे
 कळवण- नितीन पवार
कोपरगाव- आशुतोष काळे
 अकोले - किरण लहामटे
 वसमत- चंद्रकांत उर्फ राजू नवघरे
 चिपळूण- शेखर निकम
मावळ- सुनील शेळके
जुन्नर- अतुल बेनके
मोहोळ- यशवंत माने
 हडपसर- चेतन तुपे
 देवळाली- सरोज आहिरे
चंदगड - राजेस पाटील
 इगतुरी- हिरामण खोसकर
तुमसर- राजे कारमोरे
पुसद -इंद्रनील नाईक
 अमरावती शहर- सुलभा खोडके
नवापूर- भरत गावित
 पाथरी- निर्णला विटेकर
मुंब्रा-कळवा- नजीब मुल्ला

आणखी वाचा