India Women Match : भारतीय महिलांची विजयी सलामी,भारताचा पाकवर 107 धावांनी विजय : ABP Majha

न्यूझीलंडमध्ये सुरु असलेल्या महिलांच्या वन डे विश्वचषकात भारतीय संघानं विजयी सलामी दिली. भारतानं पारंपरिक प्रतिस्पर्धी पाकिस्तानचा 107 धावांनी धुव्वा उडवला. विश्वचषकात भारतीय महिलांनी पाकिस्तानवर मिळवलेला हा सलग ११वा विजय ठरला. या सामन्यात स्मृती मानधना, पूजा वस्त्रकार आणि अष्टपैलू स्नेह राणाच्या अर्धशतकांमुळे भारतानं 50 षटकात 7  बाद 244 धावांची मजल मारली. त्यानंतर राजेश्वरी गायकवाडच्या प्रभावी फिरकीसमोर पाकिस्तानचा डाव 137 धावात आटोपला. राजेश्वरीनं 10 षटकात 31 धावा देत 4 विकेट्स घेतल्या. तर झुलन गोस्वामी आणि स्नेह राणानं 2-2  विकेट्स घेत मोलाचं योगदान दिलं. दरम्यान विश्वचषकातला भारताचा पुढचा सामना 10 मार्चला न्यूझीलंडविरुद्ध होणार आहे.