India Test Captain : रोहित शर्मा पायउतार झाला तर.... कोण असणार कसोटी संघाचा नवा कर्णधार?

न्यूझीलंडविरुद्ध घरच्या मैदानावर दारूण पराभवानंतर रोहित शर्मा आणि टीम इंडियाच्या कामगिरीवर सातत्याने टीका होत आहे.

ROHIT SHARMA

न्यूझीलंडविरुद्ध घरच्या मैदानावर दारूण पराभवानंतर रोहित शर्मा आणि टीम इंडियाच्या कामगिरीवर सातत्याने टीका होत आहे. BCCI या मालिकेचाही आढावा घेणार असून काही वरिष्ठ खेळाडूंना शिक्षा होऊ शकते. अशा परिस्थितीत रोहितनंतर कसोटी संघाचा कर्णधार कोण असेल, असा प्रश्न उपस्थित होत आहे.

टीम इंडियाचा माजी फलंदाज मोहम्मद कैफने रोहितच्या उत्तराधिकाऱ्याचे नाव दिले आहे. त्याच्या मते रोहितची जबाबदारी सांभाळण्यासाठी सध्या टीम इंडियाकडे ऋषभ पंतच्या रूपाने सर्वोत्तम पर्याय आहे.

मोहम्मद कैफने पंतचे कौतुक करताना सांगितले की, सध्याच्या संघात रोहितनंतर कसोटी कर्णधार बनू शकणारा पंत एकमेव पर्याय आहे. जेव्हाही तो खेळतो तेव्हा त्याने संघाला पुढे ठेवले आहे. तो कितीही नंबरवर आला तरी तो मॅचविनिंग इनिंग खेळायला तयार असतो. त्याने इंग्लंड, ऑस्ट्रेलिया किंवा दक्षिण आफ्रिका असो, सर्व प्रकारच्या परिस्थितीत धावा केल्या आहेत.

बांगलादेश असो की न्यूझीलंड, ऋषभ पंतने पुनरागमन केल्यानंतर चमकदार कामगिरी केली आहे. बांगलादेश मालिकेत शानदार शतक झळकावणारा पंत न्यूझीलंडविरुद्धच्या मालिकेतही सर्वोत्तम फलंदाज ठरला होता.

कैफ इथेच थांबला नाही, तो म्हणाला की, ऋषभ पंत जोपर्यंत कसोटी क्रिकेटला अलविदा करेल तोपर्यंत तो या फॉरमॅटचा लीजंड असेल. या देशांतर्गत हंगामाबद्दल बोलायचे झाले तर त्याने 10 डावात 3 अर्धशतके आणि एका शतकाच्या मदतीने सर्वाधिक 422 धावा केल्या आहेत.