Shivaji Maharaj : कल्याणामध्ये छत्रपती शिवाजी महाराजांच्या पुतळ्याला राष्ट्रवादीच्या कार्यकर्त्यांकडून दुग्धाभिषेक

छत्रपती शिवाजी महाराज यांच्या पुतळ्याची विटंबना करण्यात आल्याचा संतापजनक प्रकार कर्नाटक मध्ये घडला होता . या घटनेचा निषेध राष्ट्रवादी ,शिवसेनेकडून करण्यात आला  .याच पार्श्वभूमीवर महाराष्ट्रात ज्या ज्या ठिकाणी शिवाजी महाराज यांचा पुतळा आहे, त्या सर्व ठिकाणी राष्ट्रवादी काँग्रेस पक्षाच्या कार्यकर्त्यांकडून महाराजांना दुधाचा अभिषेक करण्यात येत आहे .कल्याण मध्ये देखील राष्ट्रवादीच्या पदाधिकारी कार्यकर्त्यांकडून छत्रपती शिवाजी महाराज चौक येथे छत्रपती शिवाजी महाराज यांच्या पुतळ्याला दुग्धाभिषेक करण्यात आला .कर्नाटक सरकारविरोधात घोषणाबाजी करन्यात आली . राष्ट्रवादी युवक काँग्रेसचे ठाणे जिल्हाध्यक्ष सुधीर पाटील यांनी कर्नाटक मध्ये आमच्या आराध्य दैवताची विटंबना केली त्याचा निषेध करतो ,भाजपचा मुख्यमंत्री असलेल्या या राज्यात भाजपने विष पेरण्याचे काम केले,या विषवल्लीचा निषेध करतो ,भाजपचा निषेध करतो ,महाराजांचा ज्यांनी अपमान केला त्याचा बदला घेतल्या शिवाय राहणार नाही असा इशारा दिला.