मुंबई : पावसामुळे भाजपचे राष्ट्रीय प्रवक्ते संबित पात्रा यांची पत्रकार परिषद रद्द

मुंबईकरांबरोबरच नेत्यांनाही मुंबईतल्या पावसाचा फटका बसतो आहे.  मुंबईत अतिवृष्टी नाही फक्त मुसळधार पाऊस आहे, असं काही वेळेपूर्वी नागपुरात विनोद तावडे म्हणाले होते. मात्र इकडे मुंबईत भाजपनंच पावसाचं कारण देऊन संबित पात्रा यांची पत्रकार परिषद रद्द केली आहे.  दादरमधलं हे छायाचित्र आहे. भाजपचे राष्ट्रीय प्रवक्ते संबित पात्रा महाराष्ट्रातील भाजपचे प्रवक्ते केशव उपाध्ये हे दोघे जण या छायाचित्रात दिसतायत. दादरमधल्या साचलेल्या पाण्यातून त्यांना अशा प्रकारे वाट काढावी लागली.