CWG 2018 : कोल्हापूरची कन्या तेजस्विनी सावंतला रौप्य

भारतीय नेमबाजांनीही यंदाच्या राष्ट्रकुल स्पर्धेत जोरदार कामगिरी केली आहे. महाराष्ट्राची कन्या तेजस्विनी सावंतनेही रौप्यपदकाची कमाई केली आहे. महिलांच्या 50 मीटर रायफल प्रोन प्रकारात तेजस्विनीने रौप्य पदक पटकावलं.

618.9 गुणांची कमाई करुन तेजस्विनीने दुसरा क्रमांक मिळवला, तर सिंगापूरच्या मार्टिना वेलोसेने गोल्ड मेडल पटकावलं. तेजस्विनीने 102.1, 102.4, 103.3, 102.8, 103.7, 104.6 अशी गुणांची कमाई केली होती.