DC vs SRH, Match Live Updates : दिल्लीचा हैदराबादवर विजय, खलीलचा भेदक मारा

आयपीएलमध्ये (IPL 2022) आज दिल्ली कॅपिटल्स आणि सनरायजर्स हैदराबाद हे दोन्ही संघ मैदानात उतरणार आहेत.

Background

DC vs SRH, Live Score : आयपीएलमधील(IPL 2022) आजचा 50 वा सामना दिल्ली कॅपिटल्स आणि सनराजयजर्स हैदराबाद (DC vs SRH) या दोन संघात पार पडत आहे. गुणतालिकेचा विचार करता हैदराबादने आतापर्यंत 9 पैकी 5 सामने जिंकत पाचवं स्थान मिळवलं आहे. तर दिल्लीचा संघ मात्र 9 पैकी 4 सामनेच जिंकला असल्याने सातव्या स्थानी आहे. त्यामुळे दोघांचीही पुढील फेरीत पोहचण्याची शक्यता समसमान असल्याने आजचा सामना जिंकणं दोघांसाठी अत्यंत महत्वाचं असेल. त्यात आजवर दिल्ली कॅपिटल्स आणि सनरायजर्स हैदराबाद (Delhi Capitals vs sunrisers hyderabad) हे संघ तब्बल 20 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता हैदराबादचं (SRH) पारडं काहीसं जड राहिलं आहे. त्यांनी 11 सामन्यात विजय मिळवला आहे. तर दिल्लीने (DC) 9 सामने जिंकण्यात यश मिळवलं आहे. 

आजचा सामना आजचा सामना मुंबईतील ब्रेबॉर्न मैदानात पार पडणार आहे. त्यात सामना संध्याकाळी असल्याने दव पडण्याची शक्यता अधिक आहे. दव पडल्यामुळे दुसऱ्या डावात गोलंदाजी करताना मोठ्या अडचणी येतात. त्यामुळे आजच्या सामन्यापूर्वी नाणेफेक जिंकणारा संघ नक्कीच आधी गोलंदाजी घेण्याचा निर्णय घेऊ शकतो. पण नेमका निर्णय हा सायंकाळी नाणेफेकीनंतरच स्पष्ट होईल. 

दिल्ली अंतिम 11

ऋषभ पंत (कर्णधार आणि विकेटकीपर), डेव्हिड वॉर्नर,  मनदीप सिंह, मिचेल मार्श,  ललित यादव, रोवमन पोवेल, रिपल पटेल, शार्दूल ठाकूर, कुलदीप यादव, खलील अहमद, एनरिक नॉर्खिया

हैदराबाद अंतिम 11  

अभिषेक शर्मा, केन विल्यमसन (कर्णधार), राहुल त्रिपाठी, एडन मार्करम, निकोलस पूरन, शशांक सिंह, भुवनेश्वर कुमार, कार्तिक त्यागी, श्रेयस गोपाल, सिन एबॉट, उम्रान मलिक. 

हे देखील वाचा- 

• RCB vs CSK, Top 10 Key Points : बंगळुरुचा चेन्नईवर 13 धावांनी विजय, सामन्यातील 10 महत्त्वाचे मुद्दे वाचा एका क्लिकवर
• ICC Rankings: टी-20 मध्ये भारत नंबर वन! कसोटी आणि वनडेमध्ये टीम इंडिया कितव्या क्रमांकावर?
• IPL 2022 : लिव्हिंगस्टोनचा गुजरातविरुद्ध अफलातून षटकार; राशिदनं जाऊन चक्क लियामची बॅट तपासली, पाहा फोटो

23:33 PM (IST)  •  05 May 2022

दिल्लीचा हैदराबादवर विजय, खलीलचा भेदक मारा

खलील अहमदच्या भेदक माऱ्याच्या जोरावर दिल्लीने हैदराबादचा 21 धावांनी पराभव केला. 

23:24 PM (IST)  •  05 May 2022

हैदराबादला मोठा धक्का, मोक्याच्या क्षणी पूरन बाद

शार्दूल ठाकूरने मोक्याच्या क्षणी निकोलस पूरनला बाद करत सामना दिल्लीच्या बाजूने फिरवला. पूरन 62 धावांवर बाद झाला. हैदराबादला विजयासाठी 12 चेंडूत 43 धावांची गरज आहे. 

23:20 PM (IST)  •  05 May 2022

खलीलचा भेदक मारा..

यंदाच्या हंगामात खलील अहमदने भेदक मारा केला. खलील अहमद याने हैदराबादविरोधा चार षटकात 30 धावा खर्च करत तीन गड्यांना तंबूत धाडले. खलीलने सात सामन्यात 14 विकेट घेतल्या आहेत. खलील अहमदची यंदाची कामगिरी...

4-0-27-2
4-0-34-2
4-0-25-3
4-0-36-1
4-0-21-2
4-0-47-1
4-0-30-3

23:16 PM (IST)  •  05 May 2022

सीन एबॉट बाद, हैदराबादला सहावा धक्का

खलील अहमदने सीन एबॉटला बाद करत दिल्लीला सहावे यश मिळवून दिले. एबॉट आठ धावा काढून बाद झाला. हैदराबादला विजयासाठी 20 चेंडूत 54 धावांची गरज.. निकोलस पूरन 50 धावांवर खेळत आहे. 

23:15 PM (IST)  •  05 May 2022

निकोलस पूरनची विस्फोटक खेळी, सामना रोमांचक स्थितीत

निकोलस पूरन याने विस्फोटक खेळी करत सामन्यात रंगत आणली आहे. निकोलस पूरन याने मोक्याच्या क्षणी अर्धशतक झळकावलेय. पूरन याने 29 चेंडूत अर्धशतक झळकावलेय.