India Vs Pakistan: पाकिस्तानचं रडगाणं संपता संपेना, आता आजच्या सामन्याला काही तास बाकी असतानाच घेतलेल्या निर्णयानं भूवया उंचावल्या!
Asia Cup 2025 India vs Pakistan सामना: पाकिस्तानने प्रेस कॉन्फरन्स रद्द केली. अँडी पायक्रॉफ्ट-हस्तांदोलन विवादामुळे PCB संतप्त, सुपर फोर सामन्यापूर्वी आणखी एक ड्रामा पाकिस्तानकडून झाला आहे.
India vs Pakistan Asia cup 2025: आशिया कपमध्ये पाकिस्तानची रडगाण्याची मालिका सुरुच आहे. काल (21 सप्टेंबर) शनिवारी भारताविरुद्धच्या आशिया कप सामन्यापूर्वी पाकिस्तान संघाने पत्रकार परिषद रद्द केली. स्पर्धेतील एका सूत्राने पीटीआयला सांगितले की, सामनाधिकारी अँडी पायक्रॉफ्ट यांनी भारतीय खेळाडूंशी हस्तांदोलन करण्यास नकार दिल्याने निर्माण झालेल्या वादाबद्दल प्रश्न उपस्थित होऊ नयेत म्हणून पाकिस्तानने असे केले. भारत आणि पाकिस्तान यांच्यातील सुपर फोर सामना (Asia Cup 2025 Super Four India Pakistan match) आज (21 सप्टेंबर) होणार आहे. अँडी पायक्रॉफ्ट देखील या सामन्यात पंच असतील. सामन्याच्या एक दिवस आधी शनिवारी भारतीय कर्णधार सूर्यकुमार यादव पत्रकार परिषदेत उपस्थित होता. पाकिस्तानविरुद्धच्या सामन्याबद्दल विचारले असता, त्याने पाकिस्तानचे नाव न घेता सांगितले की, आम्ही सुपर फोर सामन्यांसाठी तयार आहोत.
यापूर्वी, 14 सप्टेंबर रोजी झालेल्या गट टप्प्यातील सामन्यादरम्यान, सूर्याने पाकिस्तानी कर्णधार सलमान आगाशी (Surya vs Salman Agha handshake issue) हस्तांदोलन करण्यास नकार दिला होता. नंतर पत्रकार परिषदेत म्हटले की, "आम्ही येथे फक्त सामना खेळण्यासाठी आलो आहोत आणि आम्ही योग्य प्रतिसाद दिला. काही गोष्टी खेळाडूंच्या पलीकडे जातात. आम्ही पहलगाम दहशतवादी हल्ल्यातील सर्व पीडितांसोबत आणि त्यांच्या कुटुंबियांसह उभे आहोत आणि आमची एकता व्यक्त करतो." यानंतर, हस्तांदोलन न करण्याचा मुद्दा वाढला आणि पीसीबीने पंचांना (अँडी पायक्रॉफ्ट) स्पर्धेतून काढून टाकण्याची मागणीही केली, जरी तसे झाले नाही.
गट टप्प्यातील सामन्यानंतर वाद निर्माण झाला
भारतीय क्रिकेटपटूंनी पाकिस्तानी खेळाडूंशी हस्तांदोलन न केल्याच्या (Suryakumar Yadav handshake controversy) निषेधार्थ सलमान आगा सामन्यानंतर उपस्थित राहिले नाही. पाकिस्तानचा पुढील सामना 17 सप्टेंबर रोजी यूएई विरुद्ध होणार होता, परंतु संघाने आयसीसीकडे तक्रार करून रेफ्रीला काढून टाकण्याची मागणी केली. पीसीबीने पायक्रॉफ्ट यांना काढून टाकले नाही तर आशिया कपमधून माघार घेण्याची धमकीही दिली. सामन्याच्या दिवशी पीसीबीच्या अधिकाऱ्यांनी आयसीसी आणि मॅच रेफरशी चर्चा केली. परिणामी, रात्री 8 वाजता सुरू होणारा सामना एक तास उशिरा सुरू झाला. पायक्रॉफ्ट मॅच रेफ्री होते.
सामन्यापूर्वीच्या पत्रकार परिषदेतही कोणी नाही
यूएईविरुद्धच्या सामन्यापूर्वी पीसीबीने आशिया कपमधून माघार घेण्याची धमकी दिली आणि म्हटले की पायक्रॉफ्ट यांना काढून टाकल्याशिवाय संघ खेळणार नाही. पीसीबीचे अध्यक्ष मोहसीन नक्वी यांच्या सल्ल्यानुसार पाकिस्तानने यूएई सामन्यापूर्वी सराव केला, परंतु संघातील कोणीही पत्रकार परिषदेत उपस्थित राहिले नाही.
सूर्य म्हणाला, अर्शदीप फलंदाजी करू इच्छित होता
भारतीय कर्णधार सूर्यकुमार यादव म्हणाला की अर्शदीप सिंग ओमानविरुद्धच्या सामन्यात फलंदाजी करू इच्छित होता, म्हणून तो फलंदाजीसाठी आला नाही. शुक्रवारी भारताने ओमानविरुद्ध 8 विकेट गमावून 188 धावा केल्या. कर्णधार सूर्यकुमार यादव फलंदाजीसाठी आला नाही. पत्रकार परिषदेत सूर्य म्हणाला, 2-3 षटके बाकी होती आणि अर्शदीप सिंगने मला सांगितले की तो फलंदाजी करू इच्छित आहे. मी काही हरकत नाही असे म्हटले.
इतर महत्वाच्या बातम्या
महत्त्वाच्या बातम्या
