Australian Open : व्हीनस विल्यम्स पहिल्याच फेरीत बाहेर

स्वित्झर्लंडच्या बेलिंडा बेन्सिकनं गतवेळच्या उपविजेत्या व्हीनस विल्यम्सचा कडवा संघर्ष एक तास ५३ मिनिटांत मोडून काढला.

अमेरिकेच्या व्हीनस विल्यम्सचं ऑस्ट्रेलियन ओपनमधलं आव्हान पहिल्याच फेरीत संपुष्टात आलं आहे. स्वित्झर्लंडच्या बेलिंडा बेन्सिकनं गतवेळच्या उपविजेत्या व्हीनस विल्यम्सचा कडवा संघर्ष एक तास ५३ मिनिटांत मोडून काढला. बेलिंडानं हा सामना ६-३, ७-५ असा सरळ दोन सेट्समध्ये जिंकला. गतवर्षीच्या ऑस्ट्रेलियन ओपनमध्ये महिला एकेरीची फायनल सेरेना आणि व्हीनस विल्यम्स या भगिनींमध्ये झाली होती. त्यात व्हीनसला हार स्वीकारावी लागली होती. यंदा सेरेना विल्यम्सच्या अनुपस्थितीत व्हीनसला विजेतेपदासाठी सर्वाधिक पसंती देण्यात येत होती. पण अवघ्या वीस वर्षांच्या बेलिंडा बेन्सिकनं व्हीनसला पहिल्याच फेरीत पराभवाचा धक्का दिला.