KL Rahul Century : कमाल लाजवाब राहुल... गुजरातविरुद्ध ठोकले विक्रमी शतक, असा पराक्रम करणारा ठरला पहिला क्रिकेटर

KL Rahul Century News : भारताचा स्टार फलंदाज केएल राहुलने आयपीएलमध्ये आणखी एक शतक झळकावले.

KL Rahul Century DC VS GT IPL 2025

त्याने शुभमन गिलला मागे टाकले आहे, ज्याने यापूर्वी चार शतकांसह त्याच्या बरोबरी केली होती.

केएल राहुल, प्रियांश आर्य, इशान किशन, वैभव सूर्यवंशी आणि अभिषेक शर्मा यांच्यासह आयपीएल 2025 मध्ये शतक झळकावणारा केवळ पाचवा फलंदाज ठरला आहे.

यासह, केएल राहुल आयपीएलच्या इतिहासात तीन वेगवेगळ्या संघांसाठी शतके करणारा पहिला खेळाडू बनला.

रविवारी दिल्ली कॅपिटल्सकडून केएल राहुलने शतक झळकावले.

त्याने यापूर्वी पंजाब किंग्ज आणि लखनऊ सुपरजायंट्ससाठीही शतके झळकावली आहेत.

हे त्याच्या आयपीएल कारकिर्दीतील पाचवे शतक आहे.

आयपीएल 2025 च्या गुजरात टायटन्स विरुद्धच्या 60 व्या सामन्यात दिल्ली कॅपिटल्सच्या पठ्ठ्याने 60 चेंडूत हे शतक पूर्ण केले.

केएल राहुल सामन्यात नाबाद राहिला. त्याने 65 चेंडूंचा सामना केला आणि 112 धावा केल्या. या भारतीय फलंदाजाने 172 च्या घातक स्ट्राईक रेटने फलंदाजी केली.

राहुलचे हे पाचवे आयपीएल शतक होते आणि 2022 च्या हंगामानंतरचे त्याचे या स्पर्धेत पहिलेच शतक होते.

आयपीएलच्या इतिहासात सर्वाधिक शतके करणाऱ्या फलंदाजांच्या यादीत राहुल आता चौथ्या स्थानावर पोहोचला आहे.