Pune News : देव तारी त्याला कोण मारी; तिसऱ्या मजल्यावरून लटकलेल्या चिमुकलीसाठी देवदूत ठरला जवान; काळजाचा ठोका चुकवणारी घटना

Pune News : पुण्यात चार वर्षाच्या लहान मुलीला घरात बंद करुन जाणं जिवावर बेतलं असतं. अग्निशमन दलातील जवानाच्या समयसुचकतेमुळे मुलीचे प्राण वाचले आहेत.

Pune News

पुण्यात इमारतीच्या तिसऱ्या मजल्यावरील खिडकीच्या ग्रिलच्या पोकळीतून बाहेर गेलेल्या चार वर्षांच्या मुलीचे प्राण थोडक्यात बचावले. यामुळे कुटुंबाचा जीव भांड्यात पडला. यासाठी अग्निशमन दलाच्या जवानाचे आभार मानले जात आहेत.

पुण्यात चार वर्षांच्या मुलीचा जीव थोडक्यात वाचला. संबंधित चिमुकली तिसऱ्या मजल्यावरील खिडकीतून खाली पडणार होती. मात्र अग्निशमन दलातील जवान योगेश अर्जुन चव्हाण यांच्या धाडसामुळे मोठा अनर्थ टळला.