![ABP Premium](https://cdn.abplive.com/imagebank/Premium-ad-Icon.png)
Trending News : आजोबांच्या जिद्द आणि चिकाटीला सलाम! 78 व्या वर्षी घेतला नववीत प्रवेश, दररोज 3 किमीची पायपीट करत शाळेत
78 Year Old Man in School : 1945 मध्ये भारत-म्यानमार सीमेजवळील खुआंगलेंग गावात जन्मलेल्या लालरिंगथारा यांना त्यांच्या वडिलांच्या मृत्यूमुळे इयत्ता दुसरी नंतर पुढे शिक्षण सुरू ठेवता आलं नाही.
![Trending News : आजोबांच्या जिद्द आणि चिकाटीला सलाम! 78 व्या वर्षी घेतला नववीत प्रवेश, दररोज 3 किमीची पायपीट करत शाळेत 78 year old man enrolls in class 9 in mizoram walks 3 kilometres daily to school inspiring story of Lalringthara Mizo Trending News : आजोबांच्या जिद्द आणि चिकाटीला सलाम! 78 व्या वर्षी घेतला नववीत प्रवेश, दररोज 3 किमीची पायपीट करत शाळेत](https://feeds.abplive.com/onecms/images/uploaded-images/2023/08/03/7f5e1dfb842e51e3a523d5a99af2023e1691066005188322_original.jpg?impolicy=abp_cdn&imwidth=1200&height=675)
78 Year Old Man Enrolls in Class 9 : कोणत्याही गोष्टीला वयाचं बंधन नसतं असं म्हणतात. आपल्याला जेव्हा जे करायची इच्छा असेल, ते नक्की करावं. असंच काहीस एका 78 वर्षांच्या आजोबांनी केलं आहे. शिक्षण घेण्याची इच्छा अपुरी राहिल्याने त्यांनी म्हातारणात शाळेत प्रवेश घेतला आहे. पूर्व मिझोराममधील (Mizoram) एका 78 वर्षांच्या आजोबांना त्यांचं शालेय शिक्षण पूर्ण करण्याची इच्छा आहे. यामध्ये त्यांनी त्यांचं वय आडवं येऊ दिलं नाही.
78 वर्षीय आजोबांचा नववीत प्रवेश
मिझोमारमधील (Mizoram) लालरिंगथारा मिझो (Lalringthara Mizo) यांनी वयाच्या 78 वर्षी शाळेत प्रवेश घेतला आहे. द नॉर्थईस्ट टुडेच्या मते, लालरिंगथारा मिझो लिहू आणि वाचू शकतात. लालरिंगथारा मिझो सध्या न्यू हुराईकॉनमध्ये चर्चमध्ये सुरक्षा रक्षक म्हणून कार्यरत आहे. ते सध्या नववी इयत्तेत शिकत आहेत. ते दररोज इतर विद्यार्थ्यांप्रमाणेच शाळेचा गणवेश घालून आणि पुस्तकांनी भरलेली पिशवी घेऊन शाळेत हजेरी लावतात. लालरिंगथारा दररोज तीन किलोमीटर चालत शाळेत पोहोचतात. नॉर्थईस्ट लाइव्ह टीव्हीच्या वृत्तानुसार, मिझोराममधील चंफई जिल्ह्यातील ह्रुआइकॉन गावातील रहिवासी लालरिंगथारा यांची कहाणी आता अनेकांसाठी प्रेरणादायी बनली आहे.
दररोज 3 किमी चालत पोहोचतात शाळेत
लालरिंगथारा यांनी चालू शैक्षणिक वर्षासाठी ह्रुईकॉन गावातील राष्ट्रीय माध्यमिक शिक्षा अभियान (RMSA) हायस्कूलमध्ये इयत्ता नववीमध्ये प्रवेश घेतला आहे. 1945 मध्ये भारत-म्यानमार सीमेजवळील खुआंगलेंग गावात जन्मलेल्या लालरिंगथारा यांना त्यांच्या वडिलांच्या मृत्यूमुळे शिक्षण अर्धवट सोडावं लागलं. लालरिंगथारा यांना इयत्ता 2 नंतर पुढचं शिक्षण सुरू ठेवता आलं नाही. घरातील एकुलता एक मुलगा असल्याने वडीलांच्या मृत्यूनंतर त्यांना लहान वयातच आईला मदत करण्यासाठी शेतात मजुरी करण्यास भाग पडावं लागलं.
इंग्रजी भाषा शिकण्याची इच्छा
वडीलांच्या मृत्यूनंतर ते 1995 मध्ये न्यू ह्रुईकॉन गावात स्थायिक झाले. उदरनिर्वाहासाठी ते स्थानिक प्रेस्बिटेरियन चर्चमध्ये (Chrurch) सुरक्षारक्षक (Security Guard) म्हणून काम करत आहेत. अत्यंत गरिबीमुळे त्यांना शिक्षण घेता आलं नाही. पण, आता त्यांनी वयाच्या 78 व्या पुन्हा शाळेत प्रवेश घेतला आहे. त्यांच्या पुन्हा शाळेत प्रवेश घेण्यामागचं मुख्य कारण म्हणजे त्यांना इंग्रजी भाषा कौशल्य सुधारायचं आहे. इंग्रजीत अर्ज लिहिणे आणि टीव्हीवरील बातम्या समजणं, हे त्याचे मुख्य ध्येय आहे.
महत्त्वाच्या इतर बातम्या :
Trending News : 90 वर्षांचे आजोबा पाचव्यांदा बोहल्यावर, म्हणतात... 'लग्न हेच माझ्या दिर्घायुष्याचं रहस्य, पुन्हा निकाह करण्याची इच्छा'
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)