मुंबई तुंबली तेव्हा आनंद दिघे अनेकांच्या स्वप्नात गेले, विचारलं एकनाथ कुठे आहे? : संजय राऊत
Sanjay Raut on Eknath Shinde : "मुंबई तुंबली तेव्हा आनंद दिघे अनेकांच्या स्वप्नात आले, विचारलं एकनाथ कुठे आहे?", असं खासदार संजय राऊत म्हणाले आहेत.
Sanjay Raut on Eknath Shinde, Mumbai : मुंबईत (Mumbai) गेल्या दोन दिवसांमध्ये मुसळधार पाऊस पडला. रात्रभर सुरु असलेल्या पावसाने या वर्षी देखील मुंबईची (Mumbai Rain) तुंबई झालेली पाहायला मिळाली. रुग्णालयात पाणी शिरल्याने अनेकांची रुग्णांसह त्यांच्या नातेवाईकांची गैरसोय झालेली पाहायला मिळाली तर दुसरी रेल्वे आणि रस्ते वाहतूक देखील विस्कळीत झाली होती. याशिवाय महत्त्वाचं म्हणजे मुंबईतील (Mumbai) भुयारी मेट्रो स्थानकात पाणी घुसलं. Aqua line वर मेट्रोचं दार उघडताच तळ्यात उतरल्याचा भास होऊ लागला. दरम्यान, पहिल्याच पावसात मुंबईकरांचे (Mumbai) हाल झाल्यानंतर विरोधी पक्षांनी सरकारवर जोरदार हल्लाबोल केलाय. ठाकरे गटाचे खासदार संजय राऊत (Sanjay Raut) यांनी आज (दि.27) पत्रकार परिषदेत बोलताना उपमुख्यमंत्री एकनाथ शिंदेंवर (Eknath Shinde) टीका केलीये.
संजय राऊत (Sanjay Raut) म्हणाले, अमित शाह (Amit Shah) आहेत कोण? देशावर लादलेले गृहमंत्री आहेत ठीक आहे.. मुंबईत काल महापूर आला. ही जबाबदारी कोणाची आहे तर एकनाथ शिंदेंची आहे. ते नगरविकासमंत्री आहेत. महापालिका कोणाकडे आहे? मुंबई तुंबली तेव्हा आनंद दिघे अनेकांच्या स्वप्नात गेले, विचारलं एकनाथ कुठे आहे? मुंबई आणि ठाणे बुडालं एकनाथ कुठंय? एकनाथ शिंदे अमित शाहांचं (Amit Shah) लांगुणचालन करण्यात व्यस्त आहेत. एकनाथ कुठंय तर महाराष्ट्र द्रोह्यांच्या लांगुणचालनात आहे.. अमित शाहांनी आम्हाला सांगू नये. हे शेअर बाजारातील दलाल आहेत. त्यांना मुंबई जुगारावर लावायची आहे.. भारतीय जनता पक्ष व्यापारांचा पक्ष आहे. हा शेठजींचा पक्ष आहे. शेठजींनी मुंबई आणि महाराष्ट्राचं भवितव्य ठरवू नये.
पुढे बोलताना संजय राऊत (Sanjay Raut) म्हणाले, साडेतीन वर्ष सत्ता कोणाच्या ताब्यात आहे. काही झालं की, पंडित नेहरु आणि मनमोहन सिंग यांचं नाव काढतात. अरे दहा वर्ष तुमच्या हातात सत्ता आहे. साडेदहा वर्षे मोदी-शाहांच्या हातात सत्ता आहे. मुंबईची सत्ता साडेतीन वर्ष झाले शिंदे आणि फडवणीसांच्या हातात आहेत. मोठा गाजावाज करत मुंबईतील भुयारी मेट्रोचं उद्घाटन केलं. काल जनतेचे हजारो कोटी बुडाले.
Sanjay Raut on Eknath Shinde : मुंबई तुंबली तेव्हा दिघेस्वप्नात आले, विचारलं एकनाथ कुठे आहे?
इतर महत्त्वाच्या बातम्या
महत्त्वाच्या बातम्या
