एक्स्प्लोर
Advertisement
![metaverse](https://cdn.abplive.com/imagebank/metaverse-top.png)
चेंगराचेंगरीमुळे महाराष्ट्र दु:खात, दोषींवर कठोर कारवाई करणार : मुख्यमंत्री
मुंबईतील एलफिन्स्टन आणि परेल रेल्वे स्थानकाला जोडणाऱ्या पुलावर शुक्रवारी सकाळी मोठी चेंगराचेंगरी झाली. या घटनेत 22 जणांचा मृत्यू झाला, तर 39 प्रवासी जखमी झाले.
![चेंगराचेंगरीमुळे महाराष्ट्र दु:खात, दोषींवर कठोर कारवाई करणार : मुख्यमंत्री Elphinston Stampede Cm Devendra Fadnavis Visits Kem Hospital चेंगराचेंगरीमुळे महाराष्ट्र दु:खात, दोषींवर कठोर कारवाई करणार : मुख्यमंत्री](https://static.abplive.com/wp-content/uploads/sites/4/2017/09/30080200/CM_KEM_Hospital_3.jpg?impolicy=abp_cdn&imwidth=1200&height=675)
मुंबई : राज्याचे मुख्यमंत्री देवेंद्र फडणवीस यांनी शुक्रवारी रात्री उशिरा केईएम रुग्णालयात जाऊन एलफिन्स्टन चेंगराचेंगरीतील जखमींची भेट घेतली. दक्षिण कोरियाचा दौरा आटोपून मुंबईत दाखल झालेले मुख्यमंत्री थेट केईएम रुग्णालयात पोहोचले. यावेळी मुख्यमंत्र्यांसह शिक्षण मंत्री विनोद तावडे आणि जलसंपदा मंत्री गिरीश महाजन होते.
“या दुर्घटनेमुळे महाराष्ट्र दु:खात आहे. या घटनेत 22 जणांचा मृत्यू झाला आहे. 39 जखमी असून एकाची प्रकृती गंभीर आहे. तर उर्वरित जखमींची प्रकृती सुधारत आहे,” अशी माहिती मुख्यमंत्र्यांनी जखमींची भेट घेतल्यानंतर दिली.
“दुर्घटनेनंतर मी परदेशातून मी सातत्याने रेल्वेमंत्री पियुष गोयल यांच्या संपर्कात होता. त्यांनी एलफिन्स्टन चेंगराचेंगरीच्या चौकशीचे आदेश दिले आहेत. सखोल चौकशी करुन दोषींवर कारवाई करण्यात येईल. तसंच एलफिन्स्टनसारख्या मुंबईतील अशा पुलांचं ऑडिट केलं जाईल. त्यासाठी युद्धपातळीवर कामाला सुरुवात होईल,” असं रेल्वेमंत्र्यांनी सांगितल्याचं मुख्यमंत्री म्हणाले.
“तसंच अशा प्रकारच्या घटना पुन्हा घडू नयेत यासाठी तातडीने उपाययोजना केल्या जातील,” असं आश्वासनही मुख्यमंत्र्यांनी यावेळी दिलं.
https://twitter.com/CMOMaharashtra/status/913843509668413440
चेंगराचेंगरीत 22 मुंबईकरांचा बळी
मुंबईतील एलफिन्स्टन आणि परेल रेल्वे स्थानकाला जोडणाऱ्या पुलावर शुक्रवारी सकाळी मोठी चेंगराचेंगरी झाली. या घटनेत 22 जणांचा मृत्यू झाला, तर 39 प्रवासी जखमी झाले. सकाळी 9.30 च्या सुमारास फूट ओव्हर ब्रीजवरील पत्रा कोसळल्याची ओरड झाली. यामुळे ब्रीजवरील प्रवाशांमध्ये घबराटीचं वातावरण निर्माण झालं. त्यातच ब्रीज पडत असल्याच्या आणि शॉर्ट सर्किट झाल्याच्या अफवा पसरल्या. त्यामुळे ब्रीजवरील प्रवाशांमध्ये एकच हलकल्लोळ माजला.
एल्फिन्स्टन- परेल पुलावर नेमकं काय घडलं?
- सकाळी 9.30 च्या सुमारास पावसाची मोठी सर आली.
- त्याचवेळी मध्य रेल्वेवरील परेल आणि पश्चिम रेल्वेवरील एल्फिन्स्टन स्टेशनवर एकाचवेळी लोकल आल्या.
- त्यामुळे बाहेर पडणाऱ्या पादचारी पुलावर गर्दी झाली.
- त्याचवेळी पत्रा कोसळल्याचं सांगण्यात आलं.
- गर्दीच्या वेळी मोठा आवाज झाल्याच्या गैरसमजातून धावपळ सुरु झाली.
- ब्रिज पडत असून शॉर्ट सर्किट झाल्याची अफवा पसरली, लोक मिळेल ती जागा पकडून बाहेर पडू लागले
- एकमेकांना तुडवत लोकांची धावपळ सुरु झाली
- सकाळी 9.30 च्यासुमारास थेट जखमी आणि मृतांचा आकडा समोर आला. तिघांचा मृत्यू.
- जखमींना केईएम रुग्णालयात दाखल करण्यात आलं.
- काही मिनिटांतच मृतांचा आकडा वाढत गेला
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
ठाणे
मुंबई
राजकारण
करमणूक
Advertisement
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)
सिद्धेश ताकवलेप्रतिनिधी
Opinion