ESIC Recruitment 2021-22 : सरकारी नोकरीच्या शोधात आहात? ESIC मध्ये नोकरीची सुवर्णसंधी, कसा कराल अर्ज?

ESIC Recruitment 2021-22 : सरकारी नोकरीच्या शोधात आहात? मग ही बातमी तुमच्यासाठीच... वेळ दवडू नका... त्वरित अर्ज करा

Job Majha

ESIC Recruitment 2021-22 : सरकारी नोकरीच्या शोधात असाल तर तुमच्यासाठी आनंदाची बातमी. कर्मचारी राज्य विमा निगम (ESIC) ने अधिसूचना जारी करून विविध पदांसाठी अर्ज मागवले आहेत. महामंडळाने ज्या पदांसाठी अर्ज मागवले आहेत, त्यात अप्पर डिव्हिजन क्लर्क (UDC), लघुलेखक (स्टेनो.) आणि मल्टी टास्किंग स्टाफ (MTS) या पदांचा समावेश आहे. या भरती प्रक्रियेद्वारे, ESIC देशभरात 3000 हून अधिक पदांची भरती करेल. इच्छुक आणि पात्र उमेदवार 15 जानेवारीपासून ESIC (Employee State Insurance Corporation) च्या www.esic.nic.in च्या अधिकृत वेबसाइटला भेट देऊन ऑनलाइन अर्ज करू शकतात. या भरती प्रक्रियेद्वारे 3847 पदांवर भरती होणार आहे. उमेदवारांची निवड ऑनलाइन लेखी परीक्षेच्या आधारे केली जाईल. परीक्षेची तारीख आणि वेळ सध्या जाहीर केलेली नाही.

कधीपर्यंत कराल अर्ज?

अर्ज प्रक्रिया केव्हा सुरु होणार : 15 जानेवारी 2022
ऑनलाइन अर्ज भरण्याची शेवटची तारीख : 15 फरवरी 2022

ESIC UDC, Steno and MTS Posts : योग्‍यता

UDC : कोणत्याही मान्यताप्राप्त विद्यापीठातून ग्रॅज्युएशन केलेले उमेदवार अर्ज करू शकतात.
स्‍टेनोग्राफर : 12वी पास उमेदवार अर्ज करू शकतात. शिवाय त्यांना टायपिंग माहित असायला हवे.
MTS : दहावी पास उमेदवार अर्ज करु शकतात. 

वयाची अट :

UDC आणि स्‍टेनो : 18 ते 27 वयोगटातील इच्छुक उमेदवार अर्ज करु शकतात. 
MTS : 18 ते 25 वयोगटातील इच्छुक उमेदवार अर्ज करु शकतात. 

ESIC वेतन :

UDC आणि स्‍टेनो : 25,500-81,100 पर्यंत (सातव्या वेतन आयोगानुसार)
MTS : 18,000-56,900 पर्यंत (सातव्या वेतन आयोगानुसार)

कसा कराल अर्ज?

1. सर्व प्रथम अधिकृत वेबसाइटला भेट देऊन नोंदणी करा. त्यानंतर अर्ज भरा आणि सेव्ह करा
2. तुमचा फॉर्म सत्यापित करण्यास विसरू नका आणि नंतर Save & Next बटण दाबा
3. परीक्षा शुल्क भरा
4. डॉक्युमेंट स्कॅन करा आणि अपलोड करा 

अॅप्लिकेशन फी 

SC/ST/PWD/विभागातील उमेदवार, महिला उमेदवार आणि एक्स-सर्व‍िसमेन: 250/-
बाकी श्रेणी : 500/-

महत्त्वाच्या इतर बातम्या :