NEET Exam : नीट परीक्षेत कमी गुण मिळाले, अकोल्यातील मुलीने नदीत उडी घेऊन संपवलं आयुष्य
Akola News Update : अकोला शहरातील मोर्णा नदीच्या पुलावरुन उडी घेत विद्यार्थीनीने जीवन संपवलं आहे. नीट परीक्षेत कमी गुण मिळाल्यामुळे या विद्यार्थीनीने टोकांचं पाऊल उचललं आहे.
अकोला : नीट परीक्षेत (NEET Exam) अपेक्षाप्रमाणे गुण न पडल्याने विद्यार्थीनीने आत्महत्या केली आहे. रोहिणी विलास देशमुख (वय, 22) असं आत्महत्या केल्या तरुणीचे नाव आहे. अकोला शहरातील मध्य भागात असलेल्या मोर्णा नदीच्या पुलावरुन उडी घेत या तरूणीने आपली जीवनयात्रा संपवली. या घटनेने कुटुंबासह परिसरात हळहळ व्यक्त केली जात आहे.
दरवर्षी वैद्यकीय अभ्यासक्रमासाठी लाखो उमेदवार परीक्षेला बसतात. राज्यात नीट परिक्षेतील अपयशाच्या भीतीने अनेक विद्यार्थ्यांच्या आत्महत्याच्या घटना घडल्या आहेत. रोहिणी हिणे दुसऱ्यांदा दिलेल्या नीट परीक्षेच्या निकालात अपेक्षाप्रमाणे गुण न पडल्याने तिने टोकाचा निर्णय घेतला.
अकोला शहरातील मोर्णा नदीच्या पुलावरुन उडी घेत रोहिणी हिने जीवन संपवलं आहे. यापूर्वी रोहिणीने नीट परीक्षा दिली होती. मात्र, तिला या परीक्षेत 350 च्या जवळपास गुण मिळाले होते. यावर्षी दुसऱ्यांदा दिलेल्या नीट परीक्षेच्या निकालात तिला 420 गुण मिळाले. रोहिणी ओपन प्रवर्गातून येत असल्याने तिला 565 च्यावर गुणांची अपेक्षा होती. मात्र, अपेक्षाप्रमाणे तिला कमी गूण मिळाल्याने रोहिणी तणावात होती. काल रात्री नेहमीप्रमाणे रोहीणीने कुटुंबासोबत जेवण केल्यानंतर सर्व जण झोपून गेले. आज गुरुवारी पहाटे पाज वाजता झोपेतून उठून ती खोलीबाहेर पडली नाही. या तणावातूनच तिने टोकाचा निर्णय घेतला. तिने घेतलेल्या या टोकाच्या निर्णयानंतर कुटुबांला धक्का बसला असून परिसरात हळहळ व्यक्त केली जात आहे. दरम्यान, याप्रकरणी जुने शहर पोलीस ठाण्यात आकस्मिक मृत्यूची नोंद करण्यात आली. पोलीस पुढील तपास करीत आहेत.
डॉक्टर बनायचं स्वप्नं राहिलं अधुरं
रोहिणीचे वडील राजस्थानमध्ये राहतात. आकोल्यात ती तिच्या मामाकडं राहायची. वडिलांसह कुटुंबाचं रोहिणीने डॉक्टर व्हावं असं स्वप्न होतं. मात्र आपण कुटुंबाचं स्वप्न पूर्ण करू शकलो नाही. दुसऱ्यांदा दिलेल्या नीट परीक्षेच्या निकालात अपेक्षित यश आलं नाही. वैद्यकीय क्षेत्रात काम करत बेटी बचाव या उपक्रमांतर्गत तिला अनेक काम करायचेही स्वप्न होते. परंतु, त्याआधीच तिनं आपलं जीवन संपवलं.
दरम्यान, दरवर्षी अनेक प्रवेश परीक्षा घेतल्या जातात. नीटच्या माध्यमातून घेतलेल्या प्रवेश परीक्षेद्वारे विद्यार्थ्यांना वैद्यकीय अभ्यासक्रमासह इतर अभ्यासक्रमांमध्ये सहभागी होण्याची संधी मिळते. रोहिणी देखील याची तयारी करीत होती. परंतु, गूण कमी पडल्याने तिने टोकाचं पाऊल उचललं.
महत्वाच्या बातम्या
Wardha News : धक्कादायक! बोकड चोरल्याच्या संशयातून मित्रानेच घेतला मित्राचा जीव
Before You Go
Raj Thackeray Speech | दुचाकी, चारचाकी, सिग्नल ते सरकार... नवी मुंबईतील मेळाव्यातलं राज यांचं भाषण!
महत्त्वाच्या बातम्या
