Air India Pee: भारतीयाकडून जपानी व्यक्तीवर लघुशंका; एअर इंडियाच्या विमानात पुन्हा एकदा विकृत प्रकार

Air India Pee: एअर इंडियाच्या फ्लाइट एआय 2336 च्या बिझनेस क्लासमध्ये हा सर्व प्रकार घडल्याची माहिती समोर आली आहे. 

Air India Pee

Source : ABP

Air India Pee नवी दिल्ली: एअर इंडियाच्या (Air India) विमानात पुन्हा एकदा सहप्रवाशावर लघुशंका (Air India Pee) करण्याचा विकृत प्रकार समोर आला आहे. दिल्ली ते बँकॉक विमानात भारतीयाकडून जपानी व्यक्तीवर लघुशंका करण्यात आली. सदर प्रकरणानंतर एअर इंडियाच्या केबिन क्रू सदस्यांनी आरोपी प्रवाशाला इशारा देऊन सोडण्यात आलं. एअर इंडियाच्या फ्लाइट एआय 2336 च्या बिझनेस क्लासमध्ये हा सर्व प्रकार घडल्याची माहिती समोर आली आहे. 

नेमकं काय घडलं?

एअर इंडियाच्या फ्लाइट एआय 2336 दिल्लीहून बँकॉकला निघालं होतं. यावेळी बिझनेस क्लासमध्ये एका पुरुष प्रवाशाने एका खाजगी कंपनीच्या अधिकाऱ्यावर लघुशंका केली. लघुशंका करणारी व्यक्ती मद्यधुंद असल्याचे दिसून आले. ही घटना विमान बँकॉकमध्ये उतरण्यापूर्वी घडली. लघवी करणारी व्यक्ती बिझनेस क्लासमध्ये दुसऱ्या क्रमांकाच्या सीटवर होती. ज्या व्यक्तीवर त्याने लघवी केली तो देखील बिझनेस क्लासमध्ये होता. सदर घडलेल्या प्रकरणानंतर क्रू मेंबर्सनी पीडित प्रवाशाला तक्रार दाखल करण्यास सांगितले. मात्र पीडित व्यक्तीने तक्रार दाखल करण्यास नकार दिला. पीडित व्यक्तीने अद्याप कोणतीही तक्रार दाखल केलेली नाही. यापूर्वी नोव्हेंबर 2022 मध्येही एअर इंडियाच्या विमानात लघुशंका केल्याचे प्रकरण समोर आले होते.

नागरी विमान वाहतूक मंत्री काय म्हणाले?

नागरी विमान वाहतूक मंत्री राम मोहन नायडू म्हणाले की, मंत्रालय या घटनेची दखल घेईल आणि विमान कंपनीशी बोलेल.

लघुशंका केल्याचा प्रकार याआधीही आला होता समोर-

नोव्हेंबर 2022 मध्ये देखील असेच एक प्रकरण समोर आले. त्यावेळी एअर इंडियाच्या न्यू यॉर्क-दिल्ली विमानात शंकर मिश्रा नावाच्या प्रवाशाने एका महिला प्रवाशावर लघवी केली होती. या घटनेनंतर, आरोपी शंकर मिश्रा याला 6 जानेवारी रोजी बेंगळुरू येथून अटक करण्यात आली आणि नंतर न्यायालयाने त्याला न्यायालयीन कोठडीत पाठवले. तथापि, नंतर न्यायालयाने 31 जानेवारी 2023 रोजी जामीन मंजूर केला.

एअर इंडियाच्या विमानात सहप्रवाशावर लघुशंका, VIDEO:

संबंधित बातमी: