Dhananjay Powar On Ruchita Jamdar Elimination: 'मागचा आठवडा पूर्ण रुचितानं कन्टेन्ट दिलेला, मग तरीही बाहेर गेली?'; डीपी दादाचा सवाल, रोशन भजनकरबाबत म्हणाला...
Dhananjay Powar On Ruchita Jamdar Elimination: 'बिग बॉस मराठी'च्या सहाव्या सीझनच्या विजेतेपदाची प्रबळ दावेदार समजली जाणारी कोल्हापूरची रुचिता जामदार घरातून एलिमिनेट झाली.
Dhananjay Powar On Ruchita Jamdar Elimination: सध्या 'बिग बॉस मराठी'चं (Bigg Boss Marathi) सहावं पर्व चांगलंच गाजतंय. 'बिग बॉस मराठी'च्या सहाव्या पर्वात अनेक दमदार व्यक्तींनी एन्ट्री घेतली होती. त्यातून अनेकजण नॉमिनेट होऊन घरातून बाहेर पडले. आता घरात सध्या वाईल्ड कार्ड स्पर्धकांनी पहिल्या दिवसांपासून घरात असलेल्या सदस्यांच्या नाकीनऊ आणलेत. सर्वात आधी वाईल्ड कार्ड स्पर्धक म्हणून घरात आलेली राखी सावंत सर्वांना पुरून उरलेली. पण, त्यानंतर आणखी तीन वाईल्ड कार्ड स्पर्धकांनी घरात एन्ट्री घेतली आहे. त्यामुळे आता घरातली समीकरणं बदलल्याचं पाहायला मिळतंय. अशातच बिग बॉसच्या घरातलं सर्वात धक्कादायक एलिमिनेशन पार पडलं.
'बिग बॉस मराठी'च्या सहाव्या सीझनच्या विजेतेपदाची प्रबळ दावेदार समजली जाणारी कोल्हापूरची रुचिता जामदार (Ruchita Jamdar) घरातून एलिमिनेट झाली. रुचिता घराबाहेर पडल्यानंतर सोशल मीडियावर अनेकांनी प्रतिक्रिया दिल्या आहेत. काहींनी रुचिताचं जाणं योग्य निर्णय असल्याचं म्हटलेलं. तर, अनेकांनी रुचिता जामदारचं एलिमिनेट होणं अनफेअर असल्याचं म्हटलेलं. अशातच 'बिग बॉस मराठी'च्या मागच्या पर्वाचा स्पर्धक कोल्हापूरच्या धनंजय पोवारनं एक व्हिडीओ शेअर करुन रुचिताच्या एलिमिनेशनवर प्रतिक्रिया दिली आहे.
'बिग बॉस मराठी'च्या पाचव्या सीझनमध्ये सहभागी झालेला सोशल मीडिया इन्फ्लुएन्सर धनंजय पोवारनं व्हिडीओ शेअर करत म्हटलंय की, "बऱ्याच ठिकाणी सोशल मीडियावर बघायला मिळालं की, रुचिता बाहेर पडल्या. पण, मला असं वैयक्तिक वाटतंय की, या अगोदर रोशन भजनकरला खूप मतं होती. रोशन भाऊ बाहेर गेले आणि आता रुचिता बाहेर गेली. रुचिता कन्टेन्ट देतेय, मागचा आठवडा पूर्ण रुचितानं कन्टेन्ट दिलेला आहे. मग तरीही रुचिता बाहेर गेली...?" तसेच, व्हिडीओ शेअर करताना धनंजय पोवारनं 'हे काही पटलं नाही', असं कॅप्शन दिलंय.
View this post on Instagram
घराबाहेर पडल्यानंतर रुचिताचा माफीनामा
'बिग बॉस'च्या घरातून बाहेर पडल्यानंतर रुचिता जामदारने तिच्या इन्स्टाग्राम अकाऊंटवर एक पोस्ट लिहिली आहे. रुचितानं पोस्टमध्ये लिहिलंय की, "बिग बॉस'च्या या घरात प्रत्येक गोष्ट मी मनापासून केली आणि खूप वेळा नॉमिनेट झाले, तरी माझ्यावर प्रेम करणाऱ्या रसिक प्रेक्षकांनी मला या खेळात लढायला बळ दिलं. मी घरात ज्या काही चुकीच्या गोष्टी केल्या असतील, त्याबद्दल तुमची मनापासून माफी मागते. आजचं एविक्शन माझ्यासाठी आश्चर्यकारक आहे, पण जनतेचा निर्णय मला मनापासून मान्य आहे. माझ्या या प्रवासात माझी साथ दिल्याबद्दल खूप खूप आभार..."
महत्त्वाच्या इतर बातम्या :
महत्त्वाच्या बातम्या
