Health Tips : उन्हाळ्यात कलिंगड सगळेच खातात; पण 'या' वेळी खाल तर मिळतील आश्चर्यकारक फायदे
Watermelon Benefits : कलिंगडात पाण्याचं प्रमाण भरपूर आहे. त्यामुळे ते तुमच्या शरीराला हायड्रेट करण्यात मदत करते
Watermelon Benefits : उन्हाळा सुरु झाला आहे. अशातच बाजारात हंगामी फळं दिसायला सुरुवात झाली आहे. उन्हाळ्यात एक फळ आवर्जून खाल्लं जातं ते म्हणजे कलिंगड (Watermelon). हे एक असं फळ आहे की ते खाल्ल्याने उन्हाळ्यात अनेक फायदे मिळतात. उन्हाळ्यात ताजी फळे खाल्ल्याने भरपूर पोषण आणि अँटिऑक्सिडंट्स मिळतात.
कलिंगड हे रसाळ फळ आहे. कलिंगडात पाण्याचं प्रमाण भरपूर असतं आणि तुमच्या शरीराला हायड्रेट ठेवण्यास मदत करतं. मात्र, कलिंगड खाताना एक गोष्ट लक्षात घ्या की तुम्ही हे फळ सकाळी नाश्त्याला, दुपारी जेवणानंतर किंवा संध्याकाळीही खाऊ शकता. पण, तुम्ही रात्री कलिंगड खात असाल तर यामुळे तुमचं पोट खराब होऊ शकतं.
रोगप्रतिकारशक्ती वाढते
कलिंगडमध्ये व्हिटॅमिन सी भरपूर प्रमाणात असते ज्यामुळे रोगप्रतिकारशक्ती वाढते. कलिंगडमधील व्हिटॅमिन ए आणि बीटा-कॅरोटीनची पातळी निरोगी त्वचा आणि केसांना प्रोत्साहन देते. कलिंगड शरीरातील कोणत्याही प्रकारची जळजळ दूर करण्यास मदत करते.
वजन कमी करण्यास मदत
कलिंगड गोड आहे, त्यामुळे त्यात साखरेचे प्रमाण जास्त असू शकते असा गैरसमज काही लोकांमध्ये असतो. पण अभ्यासातून असं दिसून आलं आहे की, 100 ग्रॅम कच्च्या कलिंगडमध्ये फक्त 6.2 ग्रॅम साखर असते. त्यात कॅलरीज कमी असतात, त्यामुळे वजन वाढण्याची भीती बाळगण्याची गरज नाही.
हृदयाचं आरोग्य सुधारतं
कलिंगडमध्ये अनेक पोषक तत्व असतात जे हृदय निरोगी ठेवतात. अभ्यासात असे आढळून आले आहे की लाइकोपीन कोलेस्ट्रॉल कमी करण्यास आणि रक्तदाब राखण्यास मदत करू शकते. याशिवाय कलिंगडमध्ये एमिनो अॅसिड सिट्रुलीन, नायट्रिक ऑक्साईड असते ज्यामुळे रक्तातील साखर अचानक वाढण्यास प्रतिबंध होतो.
दृष्टीसाठी फायदेशीर
लाइकोपीन तुमच्या दृष्टीसाठीही उत्तम आहे. संशोधनानुसार, लाइकोपीनचे अँटिऑक्सिडंट आणि दाहक-विरोधी गुणधर्म वय-संबंधित मॅक्युलर डिजेनेरेशन (AMD) टाळण्यास मदत करू शकतात.
दातांची काळजी
कलिंगडमध्ये व्हिटॅमिन सी भरपूर प्रमाणात असते जे तुमच्या हिरड्या निरोगी ठेवण्यास मदत करतात. त्यामुळे कलिंगड खाल्ल्याने तुमच्या हिरड्या मजबूत होतात आणि हिरड्यांचे बॅक्टेरियापासून संरक्षण होते. हे तुमचे दात पांढरे करण्यास देखील मदत करते आणि तुमचे ओठ कोरडे किंवा क्रॅक होण्यास प्रतिबंध करते.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार आणि औषधं तज्ज्ञांच्या सल्ल्यानं घ्यावीत.
महत्वाच्या बातम्या :
महत्त्वाच्या बातम्या
