Rang Majha Vegla : लेकीची माफी मागणार राधा आई, होळीत होणार का दीपा-कार्तिकची दिलजमाई?

Rang Maza Vegla : सध्या दीपा आणि कार्तिक यांच्या नात्यात बरीच उलथापालथ होत आहे. आयेशामुळे या दोघांच्या नात्यात आणखी फूट पडली आहे.

rang maza vegla

Rang Maza Vegla : छोट्या पडद्यावरील लोकप्रिय मालिका ‘रंग माझा वेगळा’ (Rang Maza Vegla) सध्या प्रेक्षकांचे भरपूर मनोरंजन करत आहे. या मालिकेतील दीपा आणि डॉक्टर कार्तिकची जोडी प्रेक्षकांना भरपूर आवडली आहे. छोट्याशा कार्तिकी आणि दीपिकाने मालिकेत नवा ट्विस्ट तर आणलाच, पण आपल्या गोड निरागस अभिनयाने प्रेक्षकांची वाहवा देखील मिळवली.

मालिकेत सध्या बरेच ट्विस्ट आणि कथेतील वळणं पाहायला मिळत आहेत. सौंदर्या इनामदारने बोल लगावल्यानंतर आता राधा आईच्या वागणुकीत बदल झाला आहे. इतकी वर्ष दीपाचा दुस्वास करणारी राधा आता तिची माफी मागून पुन्हा एकदा तिला इनामदारांच्या घरात परत आणणार आहे. श्वेताची काळजी घ्यायला दीपा इतकं जवळचं कुणीच नाही, असं म्हणत ती दीपाला इनामदारांच्या घरात घेऊन येणार आहे.

होळीत दूर होतील का दीपा-कार्तिकमधील गैरसमज?

सध्या दीपा आणि कार्तिक यांच्या नात्यात बरीच उलथापालथ होत आहे. आयेशामुळे या दोघांच्या नात्यात आणखी फूट पडली आहे. कार्तिकमुळे आपल्या आईला होणारा त्रास पाहून चिमुकली कार्तिकी देखील कार्तिकचा दुस्वास करू लागली आहे. यादरम्यान आता होळीच्या सणाचा माहोल सर्वत्र पाहायला मिळणार आहे. या रंगांच्या माहोलात आता दीपा-कार्तिकची दिलजमाई होण्याची शक्यता आहे. दोघांच्या नात्यातील गैरसमज दूर होऊन आता ते पुन्हा एकत्र येतील का?, हे पाहणे मनोरंजक ठरणार आहे.

मालिका टीआरपी शर्यतीत अव्वल

स्टार प्रवाह वाहिनीवरील ‘रंग माझा वेगळा’ ही मालिका सध्या टीआरपीच्या शर्यतीत देखील अव्वल आहे. या मालिकेतील सतत बदलते ट्रक आणि कथेतील ट्विस्ट मालिकेची रंगत वाढवत आहेत. शिवाय यातील कलाकारांच्या अभिनयाने देखील प्रेक्षकांना भुरळ घातली आहे. छोट्याशा कार्तिकी आणि दीपिकाच्या अभिनयाला देखील प्रेक्षकांकडून कौतुकाची थाप मिळत आहे.

एका मध्यमवर्गीय घरातील उपेक्षित आणि सावळ्या रंगाच्या दीपा या मुलीची कथा या मालिकेत दाखवण्यात आली होती. तिच्या आयुष्यात आलेल्या अनेक अडचणींचा सामना करत तिने नेहमीच यश मिळवले आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha