Prabhas Rejected Shah Rukh Khan Film: बाहुबलीनं धुडकावली किंग खानची फिल्म; मोठ्ठं कारण देत प्रभासनं नाकारली शाहरुख खानसोबतची ब्लॉकबस्टर ऑफर
Prabhas Rejected Shah Rukh Khan Film: प्रभास हा साऊथ इंडस्ट्रीमधील बड्या कलाकारांपैकी एक. अनेक चित्रपटांमध्ये प्रभासनं आपल्या अभिनयानं ठसा उमटवला आहे. अनेक निर्माते प्रभाससाठी मोठी रक्कम मोजायला तयार असतात. पण, आता त्यानं थेट किंग खानची ऑफर नाकारल्यामुळे चर्चा रंगल्या आहेत.
Prabhas Rejected Shah Rukh Khan Film: बॉक्स ऑफिसवरचा (Box Office) सर्वात गाजलेला आणि ब्लॉकबस्टर (Block Buster) ठरलेला सिनेमा म्हणजे, बाहुबली (Bahubali). त्यानंतर या चित्रपटातील स्टारकास्टची देखील जोरदार चर्चा झाली. चित्रपटात लीडरोलमध्ये झळकलेला साऊथ स्टार प्रभास (Prabhas) तर लाखो तरुणींच्या गळ्यातील ताईत झाला. त्यानंतर प्रभासनं इतरही अनेक ब्लॉकबस्टर सिनेमे केले. अनेक बॉलिवूड सेलिब्रिटींसोबत स्क्रिन शेअर केली. पण, प्रभासनं बॉलिवूडचा किंग शाहरुख खानची (Shah Rukh Khan) ऑफर मात्र धुडकावली. धक्का बसला ना? बाहुबली फेम प्रभासनं शाहरुख खानच्या चित्रपटाची ऑफर नाकारली आहे. अख्खी इंडस्ट्री ज्याच्यासोबत फिल्म करण्यासाठी काहीही करायला तयार असते, त्या शाहरुख खानसोबतच्या चित्रपटाची ऑफर प्रभासनं धुडकावून लावली आहे.
प्रभास हा साऊथ इंडस्ट्रीमधील बड्या कलाकारांपैकी एक. अनेक चित्रपटांमध्ये प्रभासनं आपल्या अभिनयानं ठसा उमटवला आहे. अनेक निर्माते प्रभाससाठी मोठी रक्कम मोजायला तयार असतात. त्यामुळेच त्याच्या चित्रपटांचं बजेट खूप मोठं असतं. साऊथचा यशस्वी अभिनेता असूनही प्रभासनं आजपर्यंत एकाही बॉलिवूड चित्रपटात काम केलेलं नाही. अलिकडेच पठाणच्या दिग्दर्शकानं प्रभासला एका आगामी बॉलिवूडपटाची ऑफर दिली होती. यामध्ये शाहरुख खानदेखील झळकणार होता. प्रभास शाहरुख खानसोबत स्क्रिन शेअर करणार होता. पण, त्यानं ती ऑफर नाकारली.
प्रभासनं काय दिलं कारण?
मीडिया रिपोर्ट्सनुसार, अलिकडेच त्यानं दिग्दर्शक सिद्धार्थ आनंदच्या एका मोठ्या चित्रपटाची ऑफर नाकारली. या चित्रपटात शाहरुख खानसोबत प्रभास दिसणार होता, पण प्रभासनं स्पष्ट नकार कळवला. बाहुबली आणि सालार सारख्या हिट चित्रपटांमुळे घराघरांत पोहोचलेल्या प्रभासला सिद्धार्थ आनंदच्या नव्या चित्रपटात मोठ्या भूमिकेची ऑफर आली होती, ज्यामध्ये त्याला शाहरुख खानसोबत स्क्रीन शेअर करायची होती. पण तो म्हणाला की, त्याला मल्टीस्टाररपेक्षा लीड रोल असलेले चित्रपट करायला आवडतात.
जर मागे जाऊन पाहिलं, तर प्रभासनं आजवर केलेले चित्रपटही मल्टिस्टारर नाहीत. तो नेहमीच लीड रोलमध्ये दिसला आहे. त्याच्या बऱ्याच चित्रपटांती पटकथा त्याच्या भोवतीच फिरते. दरम्यान, प्रभासच्या वर्कफ्रंटबद्दल सांगायचं तर, तो सध्या सोलो फिल्म्समध्ये खूप बिझी आहे. सध्या तो दिग्दर्शक मारुतीचा चित्रपट राजा साब आणि हनु राघवपुडी दिग्दर्शित फौजी या चित्रपटात काम करत आहे. तो संदीप रेड्डी वंगा यांचा चित्रपट स्पिरिट आणि नाग अश्विनच्या कल्की 2 मध्ये देखील झळकणार आहे. प्रभासचे सर्वच चित्रपट बिग बजेट असतात.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
