एक्स्प्लोर

Ram Setu Wrap Up : अक्षय कुमारने दाखवली 'राम सेतू'ची झलक, लवकरच येणार प्रेक्षकांच्या भेटीला

Akshay Kumar : अक्षय कुमार आणि जॅकलीन फर्नांडीजच्या 'राम सेतू' सिनेमाचे चित्रीकरण पूर्ण झाले आहे.

Written By : एबीपी माझा वेब टीम | Edited By: मंजिरी पोखरकर | Updated at : 31 Jan 2022 05:41 PM (IST)

अक्षय_कुमार

Akshay Kumar Ram Setu Wrap Up Video : अक्षय कुमारच्या (Akshay Kumar) 'राम सेतू' (Ram Setu) सिनेमाचे चित्रीकरण पूर्ण झाले आहे. त्यानिमित्ताने सेटवरील सेलिब्रेशनचा व्हिडीओ अक्षय कुमारने त्याच्या सोशल मीडियावर शेअर केला आहे. व्हिडीओ शेअर करत अक्षयने लिहिले आहे,"वानर सेना राम सेतू बनवण्यात व्यस्त होती. तर ही सेना माझा 'राम सेतू' सिनेमा बनवण्यात व्यस्त आहे".
या सिनेमात अक्षय कुमारसोबत जॅकलिन फर्नांडिस (Jacqueline Fernandez) मुख्य भूमिकेत आहे.

सिनेमाचे चित्रीकरण पूर्ण झाल्याने आता सिनेमाच्या पोस्ट प्रॉडक्शनचे काम सुरू होणार आहे. त्यानंतरच या चित्रपटाच्या प्रदर्शनाची तारीख जाहीर केली जाईल. हा चित्रपट नेमका कधी प्रदर्शित होणार यासंदर्भात अद्याप कोणतीही अधिकृत माहिती समोर आलेली नाही. अक्षयचा हा सिनेमा सिनेमागृहातच प्रदर्शित होईल, अशी शक्यता वर्तवली जात आहे.

View this post on Instagram

A post shared by Akshay Kumar (@akshaykumar)

वेगवेगळ्या ठिकाणी झाले होते सिनेमाचे चित्रीकरण
या सिनेमाचे चित्रीकरण कोरोनाकाळात वेगवेगळ्या ठिकाणी झाले आहे. मीडिया रिपोर्ट्सनुसार, दमण दीवमध्ये सिनेमाचे चित्रीकरण झाले आहे. तसेच मुंबईतदेखील चित्रीकरण झाले आहे.

अक्षय कुमारचे आगामी सिनेमे
राम सेतू व्यतिरिक्त अक्षय कुमारचे अनेक सिनेमे लवकरच प्रेक्षकांच्या भेटीला येणार आहेत. अक्षयचे 'रक्षाबंधन', 'बच्चन पांडे', 'पृथ्वीराज' आणि 'मिशन सिंड्रेला' हे सिनेमे प्रदर्शित होणार आहेत. पण कोरोनाच्या प्रादुर्भावामुळे सिनेमांची रिलीज डेट पुढे ढकलण्यात आली आहे.

संबंधित बातम्या