Trisha Krishnan First Post After Affair Rumours With Thalapathy Vijay: विजय थलपतीसोबत दिसल्यानंतर अफवांना उधाण, त्रिशा कृष्णननं शेअर केली पहिली पोस्ट; म्हणाली...
Trisha Krishnan First Post After Affair Rumours With Thalapathy Vijay: विजय थलपतीच्या बायकोनं ज्या अभिनेत्रीसोबत विवाहबाह्य संबंध असल्याचा आरोप केलाय, ती अभिनेत्री म्हणजे, त्रिशा कृष्णन. निर्माते कल्लापथी एस. सुरेश यांच्या मुलाच्या लग्नाच्या रिसेप्शनमध्ये एकत्र दिसल्यामुळे तमिळ स्टार विजय थलपती आणि त्रिशा सध्या सोशल मीडियावर चर्चेत आहेत.
Trisha Krishnan First Post After Affair Rumours With Thalapathy Vijay: तमिळ इंडस्ट्रीचा (Tamil Industry) सुपरस्टार विजय थलपती (Thalapathy Vijay) सध्या त्याच्या वैयक्तिक आयुष्यामुळे चर्चेत आहे. विजय थलपतीच्या पत्नीनं घटस्फोटासाठी अर्ज दाखल केलाय. त्यासोबतच, विजयचे एका अभिनेत्रीसोबत विवाहबाह्य संबंध असल्याचाही आरोप तिनं केलाय. एकीकडे घटस्फोटाच्या चर्चा आणि दुसरीकडे जिच्यासोबत विवाहबाह्य संबंध असल्याचा आरोप पत्नीनं केला, त्याच अभिनेत्रीसोबत एका लग्नात विजय थलपती दिसला. त्यामुळे जोरदार चर्चांना उधाण आलंय. तसेच, चाहतेही संभ्रमात पडलेत की, त्यांच्या लाडक्या सुपरस्टारचं नेमकं चाललंय काय?
विजय थलपतीच्या बायकोनं ज्या अभिनेत्रीसोबत विवाहबाह्य संबंध असल्याचा आरोप केलाय, ती अभिनेत्री म्हणजे, त्रिशा कृष्णन. निर्माते कल्लापथी एस. सुरेश यांच्या मुलाच्या लग्नाच्या रिसेप्शनमध्ये एकत्र दिसल्यामुळे तमिळ स्टार विजय थलपती आणि त्रिशा सध्या सोशल मीडियावर चर्चेत आहेत. हा व्हिडीओ सोशल मीडियावर व्हायरल झालाय, कारण विजयची पत्नी संगीता सोर्नालिंगमनं अलिकडेच आपला 26 वर्षांचं वैवाहिक जीवन संपवण्याचा निर्णय घेतला आणि चेंगलपट्टू जिल्हा न्यायालयात घटस्फोटासाठी अर्ज केला. दरम्यान, या सर्व गोष्टींव्यतिरिक्त, त्रिशा कृष्णननं इंस्टाग्रामवर एक पोस्ट शेअर केली, जी व्हायरल होत आहे.
View this post on Instagram
त्रिशा कृष्णन इन्स्टा पोस्टमध्ये नेमकं काय म्हणाली?
27 फेब्रुवारी रोजी पत्नीसोबत घटस्फोटाची बातमी समोर आल्यानंतर विजय आणि त्रिशा कृष्णन पहिल्यांदाच एकत्र दिसले. दरम्यान, दोघांनीही एका लग्नाच्या रिसेप्शनला हजेरी लावलेली. त्यापूर्वी विजय थलपतीच्या बॉडीगार्डनं केलेली एक पोस्ट जोरदार व्हायरल झालीय. पण, त्यानंतर बॉडीगार्डनं ती पोस्ट डिलिट केली आणि लिहिलं की, "सर्व अफवांवर मात करण्याची वेळ आलीय..."
त्रिशा-विजयची सुपरहिट जोडी
त्रिशा आणि विजय ही तमिळ सिनेसृष्टीतील एक लोकप्रिय ऑनस्क्रीन जोडी आहे. दोघांनी 2004 मध्ये पहिल्यांदा 'घिल्ली' सिनेमात एकत्र काम केलं होतं. त्यानंतर ते तिरुपाची, आथी आणि कुरुवीमध्ये दिसले. त्यानंतर, त्यांनी 15 वर्ष एकत्र काम केलं नाही. दरम्यान, ते 2023 मध्ये प्रदर्शित झालेल्या लोकेश कनागराजच्या लियोसाठी पुन्हा एकत्र आले.
महत्त्वाच्या इतर बातम्या :
महत्त्वाच्या बातम्या
