Neetu Singh, Riddhima Kapoor Sahani : ‘नच पंजाबन’ गाण्यावर कपूर मायलेकींचा धमाल डान्स! सोशल मीडियावर व्हिडीओची चर्चा!

Neetu Singh : नीतू कपूर बऱ्याच दिवसांनी रुपेरी पडद्यावर पुनरागमन करत आहे. त्यांच्या पुनरागमनाबद्दल चाहतेही खूप उत्सुक आहेत.

Neetu Singh, Riddhima Kapoor Sahani

Neetu Singh, Riddhima Kapoor Sahani : बॉलिवूड स्टार वरुण धवन (Varun Dhawan), कियारा अडवाणी (Kiara Advani), अनिल कपूर (Anil Kapoor) आणि नीतू कपूर (Neetu Kapoor) यांचा 'जुग जुग जिओ' (JugJugg Jeeyo) रिलीज होण्यासाठी सज्ज झाला आहे. या चित्रपटात वरुण धवन, कियारा अडवाणी, नीतू कपूर आणि अनिल कपूर मुख्य भूमिकेत आहेत. चित्रपटाचा ट्रेलर खूपच धमाकेदार आहे. या चित्रपटातील ‘नच पंजाबन’ हे गाणे सध्या चर्चेत आहे आणि त्यावर अनेक रिल्स ट्रेंड होत आहेत. आता अभिनेत्री नीतू कपूर यांनी स्वतः, लेक रिद्धिमा (Riddhima Kapoor Sahani) आणि प्रसिद्ध फॅशन डिझायनर मनीष मल्होत्रा (Manish Malhotra) यांच्यासोबत या गाण्यावर डान्स केला आहे. त्यांचा व्हिडीओ सोशल मीडियावर मोठ्या प्रमाणात व्हायरल होत असून, चाहत्यांनाही त्यांचा धमाल डान्स खूप आवडला आहे.

सोशल मीडियावर चर्चेत आलेल्या या व्हिडीओमध्ये अभिनेत्री नीतू कपूर त्यांची मुलगी रिद्धिमा कपूर आणि मनीष मल्होत्रासोबत ‘नच पंजाबन’ या गाण्यावर डान्स करताना दिसत आहे. अभिनेत्री आणि तिच्या मुलीच्या डान्स मूव्ह्स पाहून चाहतेही खूप एन्जॉय करत आहेत. त्यांचे चाहते आगामी 'जुग जुग जिओ' या चित्रपटाची आतुरतेने वाट पाहत आहेत.

पाहा व्हिडीओ :

या व्हिडीओमध्ये नीतू कपूर यांनी काळ्या रंगाची पँट आणि काळ्या रंगाचाच सैल टॉप परिधान केलेला दिसत आहे. तर, दुसरीकडे रिद्धिमाने ग्रे कलरचा शिमरी टॉप आणि ब्लॅक प्लाझो पँट परिधान केली आहे. मनीष मल्होत्रा ​​नेहमीप्रमाणेच त्याच्या लूकमध्ये छान दिसत आहे. त्याने देखील काळी जीन्स आणि काळा टी-शर्ट घातला आहे. या व्हिडीओत तिघेही धमाल डान्स करताना दिसले आहे. यांच्या सोबत आणखी एक व्यक्ती देखील डान्स करत आहे.

नीतू कपूर यांचे मोठ्या पडद्यावर पुनरागमन

‘जुग जुग जिओ’ हा करण जोहरच्या धर्मा प्रोडक्शन हाऊसचा एक कॉमेडी ड्रामा चित्रपट आहे. ‘जुग जुग जिओ हा चित्रपट राज मेहता दिग्दर्शित करत आहे, ज्यामध्ये अनिल कपूर आणि नीतू कपूर वरुण धवनच्या आई-वडिलांच्या भूमिकेत दिसणार आहेत. त्याचबरोबर कियारा अडवाणी या चित्रपटात त्यांची सून बनली आहे. हा चित्रपट 24 जून रोजी थिएटरमध्ये प्रदर्शित होणार आहे. नीतू कपूर बऱ्याच दिवसांनी रुपेरी पडद्यावर पुनरागमन करत आहे. त्यांच्या पुनरागमनाबद्दल चाहतेही खूप उत्सुक आहेत.

संबंधित बातम्या