रस्ता आहे की, चिखलमार्ग; गोवा मार्गावर बससह वाहने फसली, विद्यार्थ्यांसह नागरिकांना मोठा त्रास

बेळगाव गोवा मार्गांवरील गुंजी येथे रस्त्याचे काम पूर्ण झाले नसल्याने रस्त्यावरील चिखलात ट्रक, टिप्पर आणि बस अडकले. त्यामुळे या मार्गांवरील वाहतूक विस्कळीत झाली.

belgaon goa highway road rain vehicle trapped

बेळगाव गोवा मार्गांवरील गुंजी येथे रस्त्याचे काम पूर्ण झाले नसल्याने रस्त्यावरील चिखलात ट्रक, टिप्पर आणि बस अडकले. त्यामुळे या मार्गांवरील वाहतूक विस्कळीत झाली.

बुधवारी सकाळी रस्त्यावर एका बाजूला टिप्पर पलटी होण्याच्या स्थितीत अडकून पडला, तर दुसऱ्या बाजूच्या रस्त्याच्या मध्यभागी चिखलात मोठा ट्रक अडकून पडल्याने वाहतूक विस्कळीत झाली.

परिणामी या मार्गावरून ये-जा करणाऱ्या शाळा व महाविद्यालयीन विद्यार्थ्यांसह नागरिकांना मोठा त्रास सहन करावा लागला.

जोरदार पावसामुळे रस्त्यावर मोठ्या प्रमाणात चिखल झाला असून वाहने अडकण्याचे आणि दुचाकीस्वार घसरून पडण्याचे प्रकार वारंवार घडत आहेत.कंत्राटदाराच्या वेळकाढूपणामुळे नागरिक, वाहनधारक व विद्यार्थ्यांना मनस्ताप होत आहे.

बेळगाव गोवा महामार्गांवरील गुंजीजवळ रस्त्याचे काम रेंगाळल्याने नागरिक व वाहनधारकांना मोठ्या समस्यांना सामोरे जावे लागत आहे.

गुंजी परिसरातील सर्विस रस्त्याचे काम गेल्या अनेक वर्षांपासून रखडले असून, संबंधित कंत्राटदाराकडून कामात वेळकाढूपणा केला जात असल्याचा आरोप नागरिकांकडून करण्यात येत आहे.

पावसामुळे सर्व्हिस रस्त्यावर चिखलाचे साम्राज्य निर्माण झाले असून, अवजड वाहने अडकण्याच्या घटना वारंवार घडत आहेत. त्यामुळे वाहनधारकांच्या सुरक्षिततेचा प्रश्नही निर्माण झाला आहे.