Amruta Khanvilkar Himanshu Malhotra Divorce Rumors: अमृता खानविलकरच्या वैवाहिक आयुष्याबाबत उलटसुलट चर्चा; आता पोस्ट करत म्हणाली, ‘बऱ्याचदा प्रेम हरवून जातं...’
Amruta Khanvilkar Himanshu Malhotra Divorce Rumors: अमृता आणि हिमांशु गेल्या दीड वर्षांपासून एकत्र राहत नसल्याचंही बोललं जातंय. अशातच आता एकीकडे घटस्फोटाच्या चर्चांना उधाण आलंय. तर, दुसरीकडे अमृतानं केलेली क्रिप्टिक पोस्ट सध्या चर्चेत आली आहे.
Amruta Khanvilkar Himanshu Malhotra Divorce Rumors: गेल्या काही महिन्यांत प्रेक्षकांच्या बऱ्याच लाडक्या सेलिब्रिटी जोडप्यांनी अचानक धक्का देत, घटस्फोट घेत असल्याचं जाहीर केलं. अशातच आता या यादीत आणखी एका सेलिब्रिटी जोडप्याचा समावेश होतो की, काय? अशी शंका व्यक्त केली जात आहे. मराठी अभिनेत्री अमृता खानविलकर (Marathi Actress Amruta Khanvilkar) आणि तिचा पती हिमांशु मल्होत्रा (Himanshu Malhotra) यांच्या घटस्फोटाच्या चर्चांना (Amruta Khanvilkar Himanshu Malhotra Divorce Rumors) उधाण आलं आहे. अचानक दोघांच्या घटस्फोटाच्या चर्चा रंगण्याचं कारण काही समोर आलेलं नाही. पण, मीडिया रिपोर्टनुसार, अमृता आणि हिमांशु गेल्या दीड वर्षांपासून एकत्र राहत नसल्याचंही बोललं जातंय. अशातच आता एकीकडे घटस्फोटाच्या चर्चांना उधाण आलंय. तर, दुसरीकडे अमृतानं केलेली क्रिप्टिक पोस्ट सध्या चर्चेत आली आहे.
अमृता खानविलकरची क्रिप्टिक पोस्ट नेमकी काय? (Amruta Khanvilkar Cryptic Post)
मराठी अभिनेत्री अमृता खानविलकर हिनं इन्स्टा स्टोरीमध्ये शेअर केलेल्या पोस्टमध्ये म्हटलंय की "आपण काय बोलतो आणि आपल्याला काय म्हणायचं असतं... आणि आपल्याला काय सांगायचं असतं आणि आपण काय बोलतो... यामध्ये बऱ्याचदा प्रेम हरवून जातं...". अमृताच्या या पोस्टमुळे हिमांशूसोबतच्या नात्यात दुरावा आल्याच्या चर्चांना आता उधाण आलंय. मात्र अद्याप त्या दोघांनीही यावर कोणतीही प्रतिक्रिया दिलेली नाही.
अमृता आणि हिमांशू घटस्फोट घेणार? (Amruta Khanvilkar Himanshu Malhotra Getting Divorce?)
टाइम्स ऑफ इंडियानं दिलेल्या वृत्तानुसार, अमृता खानविलकर आणि हिमांशूच्या जवळच्या सूत्रांनी अशी माहिती दिली की, अमृता आणि हिमांशू गेल्या दीड वर्षांपासून वेगळे राहत आहेत. पण कायदेशीर विभक्त होणे किंवा घटस्फोट घेण्याबाबत त्यांच्यात कोणतीही चर्चा झालेली नाही. दोघे आजही एकमेकांचे चांगले मित्र आहेत आणि नियमितपणे एकमेकांच्या संपर्कात असतात. ते त्यांच्या वैयक्तिक आयुष्याबरोबरच कामाबाबतही चर्चा करतात.
दरम्यान, अभिनेत्री अमृता खानविलकर आणि अभिनेता हिमांशु मल्होत्रा इंडस्ट्रीतलं पॉवर कपल. जवळपास 10 वर्ष एकमेकांना डेट केल्यानंतर त्यांनी 24 जानेवारी 2015 मध्ये दिल्लीत आपली लग्नगाठ बांधली. अमृता आणि हिमांशु यांची पहिली भेट 2004 साली 'India's Best Cinestars Ki Khoj' या रिअॅलिटी शोदरम्यान झाली. या शोमुळे दोघांमध्ये मैत्री झाली आणि त्यानंतर हळूहळू त्यांचे प्रेम फुललं. लग्नानंतर दोघांनी 'Nach Baliye 7' मध्ये भाग घेतला. या शोमधल्या त्यांच्या केमिस्ट्रीला प्रेक्षकांनी भरभरून पसंती दिली आणि ते या शोचे विजेते ठरले. तेव्हापासूनच अमृता आणि हिमांशु प्रेक्षकांच्या लाडक्या सेलिब्रिटी कपल्सपैकी एक ठरले.
महत्त्वाच्या इतर बातम्या :
महत्त्वाच्या बातम्या
