विलास घुले मृत्यू प्रकरण! खासदार बजरंग सोनवणेंच्या मुलाला अटक करा नाहीतर आम्ही… बीड जिल्हाधिकारी कार्यालयासमोर घुले कुटुंबीयांचे आमरण उपोषण
बीडमध्ये विलास घुले खून प्रकरणी सौरव सोनवणेच्या अटकेच्या मागणीसाठी घुले कुटुंबाने बीड जिल्हाधिकारी कार्यालयासमोर आमरण उपोषण सुरू केले आहे.
Beed News : बीडमध्ये (Beed) विलास घुले खून प्रकरणात (Vilas Ghule death case) खासदार बजरंग सोनवणे यांचा मुलगा सौरव सोनवणे (Sourav Sonawane) याच्यावर घुले कुटुंबाने गंभीर आरोप केले आहेत. सौरव सोनवणेच्या अटकेच्या मागणीसाठी घुले कुटुंबाने बीड जिल्हाधिकारी कार्यालयासमोर आमरण उपोषण सुरू केले आहे. माझ्या मुलाला न्याय द्या, सौरभ बजरंग सोनवणे याला अटक करा, अन्यथा आम्ही इथंच आत्महत्या करू, असा टोकाचा इशारा मयत विलास घुलेच्या आईसह भावाने दिला आहे. तर घुलेच्या टाकळी गावच्या सरपंचाने देखील आक्रमक पवित्रा घेतला असून जोपर्यंत घुले कुटुंबाला न्याय मिळत नाही, तोपर्यंत आम्ही इथून उठणार नाहीत, असा पवित्रा घेतलाय.
मुख्यमंत्र्यांनी एकाला एक न्याय आणि दुसऱ्या एक न्याय अस करू नये
मुख्यमंत्र्यांनी एकाला एक न्याय आणि दुसऱ्या एक न्याय अस करू नये, लहान जात असली म्हणून न्याय मिळणार नाही का ? असा देखील सवाल त्यांनी केला आहे. तर यावेळी मयत विलास घुलेच्या आईने म्हटलंय, की आज माझा मुलगा जाऊन ४० दिवस झाले, मात्र अद्याप न्याय मिळाला नाही. पोलिसांनी मुख्य आरोपीला अटक केली नाही. आम्ही न्याय मिळावा म्हणून मुंबईत निवेदन देण्यासाठी ६ दिवस थांबलो. मात्र प्रशासनाने दखल घेतली नाही. तुम्ही दुसऱ्या १०० जणांना अटक केली तरी काय उपयोग, तुम्ही मुख्य आरोपीला आणखी आम्हाला मारायला बाहेर ठेवलय का ? असा सवाल मयत विलास घुलेच्या आईने केलाय. जर आरोपीला अटक झाली नाही, आम्हाला न्याय मिळाला नाही तर आम्ही सर्व कुटुंब आत्महत्या करू, असा टोकाचा इशारा देखील त्यांनी दिलाय.
पोलिस का कारवाई करत नाहीत, त्यांना आम्ही मेल्यावर जग येणार का?
मयत विलास घुलेचे भाऊ रमेश घुले म्हणाले आहेत, की मी अनेक वेळा सांगितलंय माझा भाऊ जखमी असताना त्याने सौरव सोनवणे याचे नाव घेतले आहे. त्यानेच हे करायला सांगितलं अस विलास म्हणाला. जे साक्षीदार आहेत त्यांनी देखील आपल्या जबाबात नाव दिली आहेत. मग पोलिस का कारवाई करत नाहीत. यांना आम्ही मेल्यावर जग येणार का ? असा संतप्त सवाल देखील यावेळी रमेश घुले यांनी केला असून न्याय न मिळाल्यास आम्ही आत्महत्या करू, असा इशारा देखील त्यांनी दिलाय.
महत्त्वाच्या बातम्या
