एक्स्प्लोर

Renjusha Menon Found Dead: अभिनेत्रीचं वयाच्या 35 व्या वर्षी निधन; राहत्या घरात आढळला मृतदेह

Renjusha Menon Found Dead: 35 वर्षीय अभिनेत्री रंजूषा मेनन ही तिरुअनंतपुरममधील (Thiruvananthapuram) तिच्या फ्लॅटमध्ये मृत अवस्थेत आढळली.

By : एबीपी माझा एंटरटेनमेंट डेस्क | Edited By: प्रियांका कुलकर्णी | Updated at : 30 Oct 2023 01:50 PM (IST)

Renjusha Menon

Renjusha Menon Found Dead: मल्याळम टीव्ही आणि चित्रपट अभिनेत्री रंजूषा मेनन (Renjusha Menon) ही तिच्या घरात मृतावस्थेत आढळून आली. रंजूषाच्या निधनानंतर तिच्या चाहत्यांना धक्का बसला आहे. 35 वर्षीय रंजूषा मेनन ही तिरुअनंतपुरममधील (Thiruvananthapuram) तिच्या फ्लॅटमध्ये मृत अवस्थेत आढळली. सोमवारी (30 ऑक्टोबर) सकाळी तिचा मृत्यू झालाय. रंजूषाच्या मृत्यूचे कारण अद्याप अस्पष्ट आहे.

रंजूषा मेनन ही अपार्टमेंटमध्ये तिच्या कुटुंबासह राहत होती. श्रीकरियम ( Sreekariyam) पोलिसांनी रंजूषाच्या मृत्यूचा तपास सुरू केला आहे. सोमवारी (30 ऑक्टोबर) सकाळी रंजूषाची खोली बराच काळ बंद असल्याने कुटुंबीयांना संशय आला. नंतर तिच्या रुमचा दरवाजा तोडल्यानंतर ती मृत अवस्थेत आढळून आली. रिपोर्टनुसार, रंजूषा मेननचा मृतदेह हा शवविच्छेदनासाठी नेण्यात येईल.

चित्रपट आणि मालिकांमध्ये केलं काम

रंजूषा मेनननं अनेक मल्याळम चित्रपट आणि मालिकांमध्ये काम केलं. तिनं चित्रपट आणि टीव्ही मालिकांमध्ये सहाय्यक अभिनेत्रीची भूमिका साकारली.रंजूषानं 'सेलिब्रिटी किचन मॅजिक' या सेलिब्रिटी कुकरी शोमध्ये स्पर्धक म्हणून सहभाग घेतला होता. सिटी ऑफ गॉड (City of God) आणि मेरीकुंडोरू कुंजाडू ( Marykkundoru Kunjaadu) या चित्रपटांमध्ये देखील तिनं काम केलं.

रंजूषा ही सोशल मीडियावर सक्रिय होती. ती तिच्या सहकलाकारांसोबतचे रिल्स सोशल मीडियावर शेअर करत होती. 29 ऑक्टोबर रोजी तिने एक रिल देखील इन्स्टाग्रामवर शेअर केले होते. ते रिल रंजूषाची सोशल मीडियावरील शेवटची पोस्ट ठरली.

View this post on Instagram

A post shared by Sreedevi Anil (@anil_sreedevi)

रंजूषा ही सोशल मीडियावर मजेशीर रिल्स तसेच सहकलाकारांसोबत फोटो आणि व्हिडीओ शेअर करत होती. तिला इन्स्टाग्रामवर 6,652 फॉलोवर्स आहेत. तसेच रंजूषा ही तिच्या विविध लूक्समधील फोटो देखील सोशल मीडियावर शेअर करत होती. रंजूषाच्या सोशल मीडियावरील फोटोला नेटकऱ्यांची पसंती मिळत होती. रंजूषाच्या निधनानंतर आता मल्याळम चित्रपटसृष्टीवर शोककळा पसरली आहे.