Kranti Redkar: मी आणि समीर जन्मानं हिंदूच, कधीही धर्म बदलला नाही : क्रांती रेडकर

नवाब मलिकांनी समीर वानखेडेंवर साधलेल्या निशाण्यावर क्रांती रेडकरने समीरसोबतचे लग्नाचे फोटो शेअर करत अप्रत्यक्षपणे उत्तर दिलेलं आहे.

kranti_redkar_1

Kranti Redkar Wankhede Share marriage photo : शाहरुखचा मुलगा आर्यन खानच्या (Aryan Khan) ड्रग्ज प्रकरणाचा तपास करणारे एनसीबीचे अधिकारी समीर वानखेडे (Sameer Wankhede) सध्या चर्चेत आहेत. वानखेडेंमुळे त्यांची पत्नी आणि मराठी मनोरंजन क्षेत्रात अभिनयाचा ठसा उमटवणारी क्रांती रेडकरदेखील चर्चेत आहे. समीर वानखेडेंवर महाविकास आघाडीच्या नेत्यांनी आरोप केले आहेत. अल्पसंख्याक मंत्री नवाब मलिक (Nawab Malik) यांनी समीर वानखेडेंचे मॅरेज सर्टिफिकेट ट्विटरवर पोस्ट केलं होतं. या फोटोवर नवाब मलिक यांनी पहचान कौन? असं कॅप्शन दिलेलं. त्यावर क्रांती रेडकरने पती समीर यांच्यासोबतचे लग्नाचे फोटो शेअर करत नवाब मलिक यांना अप्रत्यक्षपणे उत्तर दिलं आहे.

Sameer Dawood Wankhede का यहां से शुरू हुआ फर्जीवाड़ा pic.twitter.com/rjdOkPs4T6

— Nawab Malik نواب ملک नवाब मलिक (@nawabmalikncp) October 25, 2021

 

 

नवाब मलिक यांनी समीर वानखेडेंवर निशाणा साधत फ्रॉडला इथून सुरुवात होते असं म्हटले होतं. नवाब मलिकांनी शेअर केलेल्या मॅरेज सर्टिफिकेटच्या फोटोमध्ये वानखेडे यांच्या वडिलांचं नाव 'दाऊद के वानखेडे' असं असल्याचं दिसत आहे. तर त्यांच्या आईचं नाव 'झहीदा' असल्याचं यामध्ये दिसत आहे. नवाब मलिक यांनी वानखेडे यांचा आणखी फोटो पोस्ट केला आहे. तो त्यांच्या पहिल्या लग्नातील फोटो असल्याचं दिसत आहे. या फोटोवर नवाब मलिक यांनी पहचान कौन? असं कॅप्शन दिलं आहे.

Pehchan kaon? pic.twitter.com/S3BOL4Luc8

— Nawab Malik نواب ملک नवाब मलिक (@nawabmalikncp) October 25, 2021

 

क्रांती रेडकरने नबाव मलिक यांना अप्रत्यक्षपणे उत्तर दिलं आहे. क्रांती ट्वीट करत म्हणाली, मी आणि समीर जन्मानं हिंदूच, कधीही धर्म बदलला नाही." एकीकडे क्रांती रेडकरच्या फोटोंवर चाहते सत्यमेव जयते अशा प्रकरच्या कमेंट्स करत तिला सकारात्मक उर्जा देत आहेत. तर अनेकांनी तिच्यावर निशाणादेखील साधला आहे. हिंदू दामपत्याचा मुलगा मुस्लिम कशा अशा चर्चादेखील सोशल मीडियावर होताना दिसत आहेत.

Me n my Husband Sameer r born Hindus.We hv never converted to any other religion.V respect all religions.Sameer’s father too is hindu married to my Muslim Mom in law who is no more.Sameer’s ex-marriage ws under special marriage act,divorced in 2016.Ours in hindu marriage act 2017 pic.twitter.com/BDQsyuvuI7

— Kranti Redkar Wankhede (@KrantiRedkar) October 25, 2021

 

समीर वानखेडे यांनी हे सर्व आरोप फेटाळले आहेत. तसेच त्यांनी "आपण न्यायालयात उत्तर देऊ",असं म्हटलं आहे. दरम्यान समीर वानखेडेंची पत्नी आणि अभिनेत्री क्रांती रेडकरनेदेखील समीर यांच्यासोबतचे लग्नाचे फोटो पोस्ट केले आहेत.