प्रसिद्ध दिग्दर्शकाच्या अडचणीत वाढ; लैंगिक छळाचा गुन्हा दाखल, 'त्या' दिवशी घडलं काय?
Manjummel Boys director Chidambaram S Poduval: सुपरहिट फिल्म मंजुम्मेल बॉइजचे दिग्दर्शक चिदंबरम एस पोडुवल यांच्याविरोधात लैंगिक छळाचा गंभीर आरोप.
Manjummel Boys director: सिनेसृष्टीतून एक धक्कादायक बातमी समोर येत आहे. सुपरहिट फिल्म मंजुम्मेल बॉइजचे दिग्दर्शक चिदंबरम एस पोडुवल यांच्याविरोधात गंभीर आरोप करण्यात आला आहे. लैंगिक छळाच्या आरोपामुळे चिदंबरम एस पोडुवल यांच्या अडचणीत वाढ झाली आहे. पोलिसांनी सोमवारी या घटनेची माहिती दिली. तक्रारीनुसार, एर्नाकुलम साऊथ पोलीस ठाण्यात दिग्दर्शकाविरोधात गुन्हा दाखल करण्यात आला आहे. मिळालेल्या माहितीनुसार, ही केस 2022 मध्ये घडलेल्या एका कथित घटनेशी संबंधित असल्याची माहिती आहे. पोलीस आता या प्रकरणाची चौकशी करत आहे. या घटनेनंतर केरळमधील कोची येथे खळबळ उडाली आहे. सध्या या प्रकरणाचा अधिक तपास सुरु आहे.
पोलीस अधिकाऱ्यांनी दिलेल्या माहितीनुसार, पीडित महिलेनं तिच्या तक्रारीत आरोप केला की, ही घटना कोचीच्या एलमकुलम भागातील एका अपार्टमेंटमध्ये घडली. 2022साली दिग्दर्शक तिच्या फ्लॅटमध्ये जबरदस्तीनं घुसला. त्यानं तिच्यासोबत असभ्य वर्तन केले. तसेच लैंगिक अत्याचार केला, असा गंभीर आरोप महिलेनं केला आहे. तक्रार मिळाल्यानंतर पोलिसांनी प्रथम पीडितेचा जबाब नोंदवला, त्यानंतर तक्रारीच्या आधारे पोलिसांनी गुन्हा दाखल केला.
पोलिसांनी सांगितले की, भारतीय दंड संहितेच्या (आयपीसी) कलम 74 आणि 75 अंतर्गत हा गुन्हा दाखल करण्यात आला आहे. कलम 74 एखाद्या महिलेच्या विनयभंगाच्या उद्देशाने तिच्यावर हल्ला करणे किंवा बळजबरी करणे याच्याशी संबंधित आहे. तर, कलम 75 लैंगिक छळाशी संबंधित आहे. पोलिसांनी दिलेल्या माहितीनुसार, कायदेशीर प्रक्रियेनुसार, या प्रकरणात पुढील कारवाई केली जात आहे.
View this post on Instagram
पोलीस अधिकाऱ्यांनी सांगितले की, तक्रार दाखल करण्यापूर्वी महिलेकडून सविस्तर जबाब घेण्यात आला आहे. आता दाखल केलेल्या तक्रारीच्या आधारे, चित्रपट दिग्दर्शक चिदंबरम एस पोडुवल याला नोटीस बजावली जाईल. ज्यामध्ये त्याला चौकशीसाठी हजर राहण्यास सांगितले जाईल. पोलिसांचे म्हणणे आहे की, या प्रकरणाची निष्पक्षपणे चौकशी केली जाईल. दरम्यान, आरोपी दिग्दर्शकाकडून अद्याप कोणतीही अधिकृत प्रतिक्रिया देण्यात आलेली नाही.
महत्त्वाच्या इतर बातम्या:
शाही थाटमाट, रॉयल अंदाज; विजय - रश्मिकाच्या लग्नाची धम्माल, VIROSH च्या ग्रँड संगीत सोहळ्याचे PHOTOs
महत्त्वाच्या बातम्या
