IIFA Awards 2022 : 'IIFA' पुरस्कार सोहळा अबुधाबीत पार पडणार; सलमान खान करणार होस्ट

IIFA Awards : इंटरनॅशनल इंडियन फिल्म अकादमी पुरस्कार सोहळ्याची प्रेक्षक आतुरतेने वाट पाहत असतात यंदाचा पुरस्कार सोहळा अबुधाबी येथे होणार आहे.

IIFA Awards

Awards 2022 : 'इंटरनॅशनल इंडियन फिल्म अकादमी पुरस्कार' (IIFA) सोहळ्याची प्रेक्षक आतुरतेने वाट पाहत असतात. कोरोनामुळे गेल्या दोन वर्षांपासून हा पुरस्कार सोहळा होऊ शकला नव्हता. पण यंदा मात्र हा पुरस्कार सोहळा मोठ्या दिमाखात पार पडणार आहे. यंदाचा पुरस्कार सोहळा अबूधाबीच्या यास बेटावर होणार आहे. या पुरस्कार सोहळ्याची प्रेक्षकांमध्ये उत्सुकता दिसून येत आहे. रिपोर्टनुसार, यंदाच्या पुरस्कार सोहळ्यात अभिनेता कार्तिक आर्यन, शाहिद कपूर आणि सारा अली खानसारखे अनेक सेलिब्रिटी सहभागी होणार आहेत. 

2 जूनला होणार IIFA

मीडिया रिपोर्टनुसार, UAE ची राजधीनी असलेल्या अबुधाबीच्या यास बेटावर 2 जून रोजी IIFA हा पुरस्कार सोहळा होणार आहे. या पुरस्कार सोहळ्यात शाहिद कपूर, टायगर श्रॉफ, कार्तिक आर्यन, सारा अली खान, अनन्या पांडे, दिव्या खोसला कुमार आणि नोरा फतेही असे अनेक सेलिब्रिटी हजेरी लावणार आहेत. तर दुसरीकडे तनिष्क बागची, गुरु रंधावा, हनी सिंह, नेहा कक्कड, ध्वनी भानुशाली, झाहरा एस खान आणि असीस कौर या कलाकारांच्या संगीताची जादू प्रेक्षकांना ऐकायला मिळणार आहे. 

IIFA हा पुरस्कार सोहळा होस्ट करणार 'हे' सेलिब्रिटी

3 जून रोजी  इंटरनॅशनल इंडियन फिल्म अकादमी पुरस्कार (IIFA) सोहळा निर्माता फराह खान कुंदर आणि अभिनेता अपारशक्ती खुराना होस्ट करणार आहेत. तर 4 जूनला सलमान खान, रितेश देशमुख आणि मनीष पॉल होस्ट करताना दिसणार आहेत. दरम्यान या पुरस्कार सोहळ्यात मिथुन चक्रवर्ती, बोनी कपूर, माधुरी दीक्षित नेने, लारा दत्ता, तमन्ना भाटिया, नर्गिस फाखरी, बॉबी देओल, उर्वशी रौतेला, अर्जुन रामपाल आणि सान्या मल्होत्रा हजेरी लावणार आहे. 

सलमान खान करणार होस्ट

बॉलिवूड अभिनेता सलमान खान इंटरनॅशनल इंडियन फिल्म अकादमी पुरस्कार सोहळा होस्ट करताना दिसणार आहे. यासंदर्भात सलमान म्हणाला, इंटरनॅशनल इंडियन फिल्म अकादमी पुरस्कार सोहळ्याचा एक भाग असल्याने खूप आनंद होत आहे. अबूधाबीच्या यास बेटावर हा पुरस्कार सोहळा होणार आहे. या पुरस्कार सोहळ्याची मी आतुरतेने वाट पाहत आहे. 

संबंधित बातम्या