Dishabhul : सुमी आणि पायलटसह 'हा' अभिनेता करणार मोठ्या पडद्यावर 'दिशाभूल'

Marathi Movie : 'दिशाभूल' मधला चौथा चेहरा अखेर प्रेक्षकांसमोर आला आहे. अभिनय बेर्डे या सिनेमात मुख्य भूमिकेत दिसणार आहे.

Abhinay_Berde

Dishabhul : 'दिशाभूल' (Dishabhul) सिनेमा लवकरच प्रेक्षकांच्या भेटीला येणार आहे. या सिनेमात अभिनेता तेजस बर्वे, अमृता धोंगडे आणि माधुरी पवार दिसणार आहेत. तर चॉकलेट बॉय अभिनय बेर्डे (Abhinay Berde) या सिनेमात मुख्य भूमिकेत दिसणार आहे. या सिनेमाचे दिग्दर्शन कैलास जैन असणार आहेत. 

'दिशाभूल' सिनेमात अभिनय बेर्डेसह मिसेस मुख्यमंत्री मालिकेतून घराघरात पोहोचलेली अमृता धोंगडे आणि तेजस बर्वेची जोडी दिसणार आहे.  तसेच 'देवमाणूस' फेम अभिनेत्री माधुरी पवारदेखील या सिनेमात मुख्य भूमिकेत आहे. 'दिशाभूल' हा आजच्या तरुणाईचा चित्रपट आहे. कॉलेजमधील मुलांची ही अनोखी कथा असून यामध्ये मैत्री, रोमान्स आणि सस्पेन्स थ्रीलर यांचा त्रिवेणी संगम बघायला मिळणार आहे. तरुणाईला हा सिनेमा नक्कीच आवडेल. 

सिनेमासंदर्भात अभिनेता अभिनय बेर्डे म्हणाला,"दिशाभूल' हा एक वेगळ्या धाटणीची कथा असलेलला चित्रपट आहे. यातील माझी व्यक्तीरेखा ही मी आज पर्यंत साकारलेल्या भूमिकांपेक्षा अतिशय वेगळी आहे. चित्रपटाचे शुटींग आम्ही सध्या गोव्यात करत आहोत. कॉलेज विश्वातील मुलांभोवती फिरणाऱ्या ' दिशाभूल' मध्ये नेमकं काय आहे? हे जाणून घेण्यासाठी प्रेक्षकांना थोडे दिवस वाट पाहावी लागणार आहे."

तगडी स्टारकास्ट असणारा सिनेमा 
याशिवाय अभिनेते नागेश भोसले, अभिनेत्री प्रिया बेर्डे, अभिनेता प्रणव रावराणे, शुभम मांढरे, रुही तारू, अरुण कदम, सिद्धेश्वर झाडबुके, आशुतोष वाडेकर, शरद जाधव, मंदार कुलकर्णी, गौतमी देवस्थळी अशी तगडी स्टारकास्ट आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha