Sushmita Sen : एकीकडे रिलेशनशिपची चर्चा, तर दुसरीकडे ट्रोलर्सचा हंगामा! सुष्मिता सेन फोटो शेअर करत म्हणतेय...

Sushmita Sen : सुष्मिता सेन हिने सोशल मीडियावर स्वतःचा एक सुंदर आणि स्मायलिंग सेल्फी पोस्ट केला असून, ‘आय लव्ह यु गाईज’, असे कॅप्शन दिले आहे.

Sushmita Sen

Sushmita Sen : बॉलिवूड अभिनेत्री सुष्मिता सेन (Sushmita Sen) सध्या ललित मोदींसोबतच्या (Lalit Modi) नात्यामुळे चर्चेत आहे. नुकताच ललित मोदी यांनी एका ट्विटद्वारे त्यांच्या रिलेशनशिपचा खुलासा केला होता. त्याआधी या दोघांच्या नात्याबद्दल कोणालाच माहितीही नव्हती. ललित मोदींनी ट्विट करताच सोशल मीडियावर मीम्स बनायला सुरुवात झाली. अभिनेत्री सुष्मिता सेनला सतत ट्रोल केले जाऊ लागले. एकीकडे तिच्या रिलेशनशिपची चर्चा होती, तर दुसरीकडे ट्रोलर्स तिला प्रचंड ट्रोल करत होते. मात्र यावर आता सुष्मिताने सडेतोड उत्तर दिले आहे. सुष्मिताने स्वतःचा एक फोटो शेअर करून, एक खास मेसेजही दिला आहे.

सुष्मिता सेन हिने सोशल मीडियावर स्वतःचा एक सुंदर आणि स्मायलिंग सेल्फी पोस्ट केला असून, ‘आय लव्ह यु गाईज’, असे कॅप्शन दिले आहे. अर्थातच अभिनेत्रीने अतिशय प्रेमाने ट्रोलर्सची बोलती बंद करण्याचा प्रयत्न केला आहे. या फोटोत सुष्मिता सेन खूप आनंदी दिसत आहे. तिच्या चेहऱ्यावरचा ओसंडून वाहणारा आनंद तिच्या प्रेमाचा पुरावा देत आहे.

पाहा पोस्ट :

या फोटोत अभिनेत्री सुष्मिता सेन हिने निळ्या रंगाचा ड्रेस परिधान केला आहे. तर, एका कारमध्ये बसून ती सेल्फी घेत आहे. तिच्या सुंदर हास्याने चाहतेही घायाळ झाले आहेत.

नेटकऱ्यांची अभिनेत्रीवर टीका

नुकतीच ललित मोदी यांनी सुष्मिता सेनसोबतच्या नात्याची जाहीर घोषणा केली. मात्र, अनेकांना दोघांचे हे नाते आवडलेले नाही. यामुळे दोघांनाही सोशल मीडियावर प्रचंड ट्रोल केले गेले. काही लोकांनी तर सुष्मिताला ‘गोल्ड डिगर’ म्हणत, तिच्यावर टीका देखील केली. प्रेम नाही, तर सुष्मिता पैशांमुळे ललित मोदींसोबत रिलेशनशिपमध्ये असल्याचंही अनेकांनी म्हटलं आहे. या सर्व प्रकारानंतर अभिनेत्रीने तिच्या इंस्टाग्रामवर पोस्ट शेअर करत ट्रोल करणाऱ्यांना सडेतोड उत्तर दिले आहे.

अभिनेत्री सुष्मिता सेन नेहमीच तिच्या बेधडक स्वभावासाठी प्रसिद्ध होती. सुष्मिताबद्दल बोलताना अनेकदा असं म्हटलं जातं की, तिने तिचं आयुष्य नेहमी स्वतःच्या अटींवर जगलं आहे. एकीकडे सुष्मिता ट्रोल होत असली, तरी दुसरीकडे तिला तिच्या चाहत्यांकडून प्रेमही मिळत आहे. अनेक चाहत्यांनी तिला पाठिंबा दिला आणि ललित मोदींसोबतचे नाते हा तिचा वैयक्तिक निर्णय असल्याचे म्हटले आहे. म्हणूनच, चाहत्यांचे आभार मानत सुष्मिताने तिच्या सोशल मीडिया अकाऊंटवर ही खास पोस्ट शेअर केली आहे.

संबंधित बातम्या