Sushmita Sen First Reaction : ललित मोदींच्या पोस्टनंतर सुष्मिताची पहिली रिअॅक्शन; म्हणाली...
सुष्मितानं (Sushmita Sen) एक पोस्ट सोशल मीडियावर शेअर केली आहे.
Sushmita Sen First Reaction : बॉलिवूडमधील प्रसिद्ध अभिनेत्री सुष्मिता सेन (Sushmita Sen)आणि ललित मोदी (Lalit Modi) सध्या चर्चेत आहेत. ललित मोदी यांनी शेअर केलेल्या डेटिंगच्या पोस्टमुळे सध्या सोशल मीडियावर बऱ्याच चर्चा रंगल्या आहे. ललित मोदी यांनी सोशल मीडियावर काही फोटो शेअर करत त्यांच्या रिलेशनशिपची माहिती चाहत्यांना दिली आहे. आता सुष्मितानं या पोस्टवर रिअॅक्शन दिली आहे.
"मी सध्या आनंदी आहे. मी लग्न केलेलं नाही. साखरपुडा देखील केला नाही. सध्या मी प्रेमळ माणसांच्या सानिध्यात आहे. हे माझं स्पष्टीकरण, आता तुम्ही स्वत:चं आयुष्य जगा आणि काम करा. माझा आनंद शेअर केल्याबद्दल धन्यवाद. ज्यांनी शेअर केला नाही त्यांच्यासाठी 'None of Your Business", असं कॅप्शन सुष्मितानं या पोस्टला दिली आहे. सुष्तिताच्या या पोस्टनं अनेकांचे लक्ष वेधलं आहे.
पाहा पोस्ट:
View this post on Instagram
ललित मोदी यांची पोस्ट
ललित मोदी यांनी सोशल मीडियावर पोस्ट शेअर करुन सुष्मिता सेनसोबत रिलेशनशिपमध्ये असल्याचं जाहीर केलं. ललित मोदी यांनी पोस्ट केलेल्या फोटोमध्ये त्यांनी सुष्मिताचा उल्लेख बेटरहाफ असा केला. ललित मोदी यांनी पोस्ट केलेले फोटो पाहून दोघांचा साखरपुडा झाला आहे, असं म्हटले जात होतं. फोटोमध्ये सुष्मिता सेनच्या बोटात अंगठी दिसत आहे. पण आता या सर्व चर्चेवर सुष्मितानं रिअॅक्शन दिली. सुष्मिता सेन आणि ललित मोदी नुकतेच मालदिव आणि सार्डिनिया येथे फिरायला गेले होते. ललित मोदी लंडनमध्ये पोहचल्यानंतर ट्विट करत सुष्मिता सेनसोबतच्या नात्यांची माहिती दिली.
सुष्मिताच्या भावानं दिली रिअॅक्शन
एका मुलाखतीमध्ये सुष्मिताचा भाऊ राजीव सेनला ललित मोदी आणि सुष्मिता यांच्या नात्याबाबत विचारण्यात आले. त्यावर तो म्हणाला की,'मी खुश आहे आणि हैराण देखील मी काही बोलण्याआघी माझ्या बहिणीसोबत चर्चा करेन. मला याबाबत काहीच माहित नाही. माझी बहिणीनं याबाबत कोणतीही माहिती दिली नाही त्यामुळे मी यावर काही कमेंट करणार नाही. '
हेही वाचा:
महत्त्वाच्या बातम्या
