Share Market Closing Bell: नफावसुलीने शेअर बाजारात घसरण; सेन्सेक्स 170 अंकांच्या घसरणीसह बंद
Share Market Closing Bell: शेअर बाजारात आज नफावसुलीमुळे घसरण दिसून आली. बाजारातील व्यवहार थांबले तेव्हा सेन्सेक्स 170 अंकांनी घसरला होता.
Share Market Closing Bell: भारतीय शेअर बाजारातील आजचे व्यवहार घसरणीसह बंद झाले. आठवड्यातील पहिल्या दिवशी बाजारात विक्रीचा सपाटा दिसून आला. सकाळी बँक निफ्टीत (Bank Nifty) तेजी दिसून आली होती. मात्र, त्यानंतर घसरण दिसून आली.
आज दिवसभरातील व्यवहारात मुंबई शेअर बाजाराचा निर्देशांक सेन्सेक्स (Sensex) 170.89 अंकांच्या घसरणीसह 61,624.15 अंकांवर बंद झाला. तर, राष्ट्रीय शेअर बाजाराचा निर्देशांक निफ्टी (Nifty) 20.55 अंकांच्या घसरणीसह 18,329.15 अंकांवर स्थिरावला.
सेन्सेक्स निर्देशांकातील 30 कंपन्यांपैकी 16 कंपन्यांच्या शेअर दरात तेजी दिसून आली. तर, 14 कंपन्याच्या शेअर दरात घसरण नोंदवण्यात आली. तर, निफ्टी निर्देशांकातील 50 पैकी 26 कंपन्यांच्या शेअर दरात तेजी दिसून आली. तर, 24 कंपन्यांच्या शेअर दरात घसरण दिसून आली.
निफ्टीतील सेक्टोरियल इंडेक्समध्ये ऑटो, आयटी, मेटल, फार्मा, रियल्टी, हेल्थकेअर, ऑईल अॅण्ड गॅस सेक्टरमध्ये खरेदीचा जोर दिसून आला. तर, बँक, वित्तीय सेवा, एफएमसीजी, मीडिया, ग्राहकोपयोगी वस्तू आदी सेक्टरमधील कंपन्यांच्या शेअर दरात घसरण दिसून आली.
Sensex declines 170.89 points to settle at 61,624.15; Nifty dips 20.55 points to 18,329.15
— Press Trust of India (@PTI_News) November 14, 2022
सेन्सेक्समध्ये आज कोटक बँक 1.26 टक्के, टाटा स्टील 1.07 टक्के, पॉवरग्रीडच्या शेअर दरात 1.05 टक्के, इंडसइंड बँक 1.04 टक्के आणि इन्फोसिसच्या शेअर दरात 0.89 टक्क्यांची वाढ दिसून आली. त्याशिवाय, एचसीएल टेक, मारुती, टीसीएस, टेक महिंद्रा, अल्ट्राटेक सिमेंट, सन फार्मा, एचडीएफसी, एचडीएफसी बँक, अॅक्सिस बँक, एशियन पेंट्स आणि बजाज फिनसर्व्ह या कंपन्यांच्या शेअर दरात तेजी दिसून आली.
सेन्सेक्समध्ये आज भारती एअरटेल, रिलायन्स इंडस्ट्री, एल अॅण्ड टी, महिंद्रा अॅण्ड महिंद्रा, विप्रो, टायटन, एनटीपीसी, बजाज फायनान्स, नेस्ले, आयसीआयसीआय बँक, एसबीआय बँक, एचयूएल, आयटीसी आणि डॉ. रेड्डीज लॅबच्या शेअर दरात घसरण नोंदवण्यात आली.
सकाळपासून बाजारात अस्थिरता
सेन्सेक्स आणि निफ्टी निर्देशांकात विक्रीचा दबाव असल्याचे दिसून येत आहे. मुंबई शेअर बाजाराचा निर्देशांक (BSE) सेन्सेक्स 29.18 अंकांच्या घसरणीसह 61,765.86 अंकांवर खुला झाला. तर, राष्ट्रीय शेअर बाजाराचा निर्देशांक (NSE) निफ्टी 26.70 अंकांनी वधारत 18,376.40 अंकांवर खुला झाला.
इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
