पनवेल : खारघर, कामोठे, कळंबोलीमध्ये 4 ते 5 दिवसांपासून कचराकोंडी, नागरिकांचं आयुष्य धोक्यात

पनवेल, नवीन पनवेल, कामोठे , कळंबोली आणि खारघर या भागात मागच्या 4 ते 5 दिवसांपासून कचऱ्याचं साम्राज्य आहे. जोपर्यंत कचरा महापालिका स्वतःकडे हस्तांतरण करून घेत नाही, तोपर्यंत सिडकोने कचरा उचलावा असे आदेश शासनाचे आहेत. परंतु या आदेशाला केराची टोपली दाखवत सिडकोने काही दिवसांपासून कचरा उचलणे बंद केलं. पनवेल पालिकेकडे पुरेसे सफाई कर्मचारी नसल्याने कचरा हस्तांतरण करणार नसल्याची भूमिका आयुक्त सुधाकर शिंदेंनी घेतली आहे. त्यामुळे सिडको आणि महापालिकेच्या वादात सर्वसामान्य नागरिकांना नाहक त्रास सहन करावा लागतो.