नवी मुंबई: दिघावासियांचं सिडकोसमोर बेमुदत ठिय्या आंदोलन

नवी मुंबईतील दिघावासियांनी बांधकाम अधिकृत करण्याच्या मागणीसाठी आंदोलनाचं हत्यार उपसलंय. अमृतधाम, दत्तकृपा, अवधूत छाया आणि दुर्गामाता या चारही इमारतीतील रहिवाशांनी सिडको कार्यालयाबाहेर बेमुदत ठिय्या आंदोलन सुरु केलंय. या चारही इमारतींना अधिकृत करण्यासंबंधीची माहिती उच्च न्यायालयात येत्या 6 एप्रिल पर्यंत देणे सिडकोला बंधनकारक आहे. सिडको ने असे न केल्यास या चारही इमारतीमधील रहिवाशांची शेवटची संधी देखील हुकणार आहे. यामुळेच सिडको प्रशासनाला जाग करण्यासाठी दिघा रहिवाशांनी बेमुदत ठिय्या आंदोलनास सुरवात केली आहे. आता यावर सिडको काय निर्णय घेते यावर सर्व राहिवाश्यांच भविष्य अवलंबून असणार आहे.