नालासोपारा : लोकलच्या लेडीज डब्ब्यातून दोन मोबाईलची चोरी

वसईमध्ये महिल्या डब्यात एक इसम चोरीच्या उद्देशानं चढला आणि हातातील 2 मोबाईल घेऊन पसार झाला. विशेष म्हणजे त्यावेळीही ट्रेनमध्ये कोणीही पोलिस नव्हता. आरती सालियन नालासोपारावरुन वसईला जात असताना त्यांच्यासोबत हा प्रकार घडला. नालासोपारा रेल्वेस्थानकातून रात्री दहाच्या सुमारास एक इसम आला आणि आरतीच्या हातातील दोन्ही मोबाईल घेऊन पसार झाला. इतक्यात ट्रेन स्थानकातून निघाली. चोरट्याचा पाठलाग करण्याच्या प्रयत्नात आरती गाडीतून खाली पडली, त्यात तिला किरकोळ दुखापत झाली.