जळगाव : धरणात बुडालेल्या ट्रकची चाकं-बॅटरी लंपास

जळगावात हॉलिवूड चित्रपटांनाही लाजवेली अशी धडाकेबाज चोरी झाल्याची घटना समोर आली आहे. चालकाला झोप लागल्याने पाण्यात बुडालेल्या ट्रकची चाकं आणि बॅटरीच चोरीला गेली.

ट्रक चालकाला झोप लागल्यामुळे दोन दिवसांपूर्वी जळगाव जिल्ह्यातील पारोळा तालुक्यात बोरी धरणामध्ये ट्रक बुडाला होता. तिसऱ्या दिवशी क्रेनच्या सहाय्याने ट्रक पाण्याबाहेर काढण्यात ट्रक मालकाला यश मिळालं. मात्र धरणात खोलवर बुडालेल्या अवस्थेतही या ट्रकची मागील दोन चाकं आणि बॅटरी लंपास झाल्याने आश्चर्य व्यक्त केलं जात आहे.