अखेर प्रतीक्षा संपली! भारतात होणाऱ्या विश्वचषक वेळापत्रकावरून उठणार पडदा, ICC ने सांगितली तारीख

ICC World Cup 2023 scheduled : पाकिस्तान संघाने ख्वाडा घातल्यामुळे वेळापत्रकाला उशीर झाला आहे. पण आता प्रतिक्षा संपली आहे.

ICC

ICC Cricket World Cup 2023 scheduled : भारतात होणाऱ्या विश्वचषकाला 4 महिन्यापेक्षा कमी अवधी शिल्लक राहिला आहे. पण बीसीसीआय अथवा आयसीसीने अद्याप वेळापत्रक जाहीर केलेले नाही. 5 ऑक्टोबरपासून विश्वचषकाच्या थराराला सुरुवात होणार आहे, पण वेळापत्रकाचा पत्ता नाही. वर्ल्ड टेस्ट चॅम्पिनशीप फायनलवेळी (World Test Championship final 2023) बीसीसीआयने विश्वचषकाचे वेळापत्रक आयीसीला पाठवलेय. पाकिस्तान संघाने ख्वाडा घातल्यामुळे वेळापत्रकाला उशीर झाला आहे. पण आता प्रतिक्षा संपणार आहे, कारण दोन दिवसात विश्वचषकाचे वेळापत्रक जाहीर होणार आहे. 27 जून 2023 म्हणजेच मंगळवारी आयसीसी विश्वचषकाचे वेळापत्रक जाहीर करणार आहे. मुंबईत मोठ्या कार्यक्रमाद्वारे आगामी विश्वचषकाचे वेळापत्रक जाहीर करण्यात येणार आहे. तेव्हापासून विश्वचषकाला 100 दिवसाचा कालावधी शिल्लक राहणार आहे. 

पाकिस्तानने ख्वाडा घातल्यामुळे वेळापत्रकाला उशीर झाला होता. ठिकाण आणि सराव सामन्यावरुन बीसीसीआय आणि पीसीबी यांच्यात गेल्या काही दिवसांपासून नाट्य सुरु होते. पाकिस्तान आणि भारत या दोन देशात असलेल्या वादाचा परिणाम वेळापत्रकावर झाला होता. भारत पाकिस्तानमध्ये क्रिकेट खेळण्यासाठी जात नाही, त्यामुळे पाकिस्ताननेही भारतात क्रिकेट खेळण्यास नकार दिला होता. पण  आता पाकिस्तानच्या या नाट्याला आता पूर्णविराम मिळणार आहे.  

भारतात विश्वचषक खेळायला जायचे की नाही, याबाबत आमच्या सरकारकडून अद्याप परवानगी मिळाली नाही. त्यामुळे आयसीसीला वेळापत्रकाबाबत अद्याप सहमती दर्शवलेली नाही. आमच्या सरकारने भारतात जायची परवानगी दिल्यानंतरच याबाबत आम्ही निर्णय घेऊ, असे पीसीबीचे माजी चेअरमन नजीम सेठी म्हणाले होते. अहमदाबाद येथील नरेंद्र मोदी स्टेडिअमवर पाकिस्तान आणि भारत यांच्यातील हाय होल्टेज सामना आयोजित करण्यात आला आहे, यावरच पाकिस्तानने आक्षेप घेतला आहे. अहमदाबादमध्ये पाकिस्तानला सुरक्षित वाटत नाही, त्यामुळे अद्याप त्यांनी कोणताही निर्णय घेतला नाही. अहमदाबाद येथे होणारा सामना चेन्नईला होण्याची शक्यता आहे. इतकेच नाही तर ऑस्ट्रेलियाविरोधात बेंगलोर आणि अफगाणिस्तानविरोधात चेन्नईमध्ये खेळण्यासही पाकिस्तान तयार नाही. बीसीसीआयने या प्रकरणाकडे लक्ष दिले नाही आणि पाकिस्तानची विनंती फेटाळली.दरम्यान, बेंगलोरचं मैदान लहान आहे तर चेन्नईची खेळपट्टी फिरकीला पोशख आहे, त्यामुळेच कदाचीत पाकिस्तानने येथे खेळण्यास नकार दिलाय, अशी चर्चा क्रिकेट वर्तुळात सुरु आहे. 

The ICC World Cup 2023 schedule to be out on June 27, Tuesday in Mumbai

— Vikrant Gupta (@vikrantgupta73) June 24, 2023

बीसीसीआयने विश्वचषकाच्या वेळापत्रकाचा ड्राफ्ट आयसीसी आणि सहभागी होणाऱ्या देशांना पाठवालाय. त्यानुसार, 2029 चा विश्वविजेता इंग्लंड आणि उपविजेता न्यूझीलंड यांच्या सामन्याने विश्वचषकाच्या थराराला सुरुवात होणार आहे. भारताचा पहिला सामना 8 ऑक्टोबर रोजी ऑस्ट्रेलियासोबत होणार आहे. हा सामना चेपॉकवर होण्याची शक्यता आहे. भारतीय संघाचे नऊ सामने वेगवेगळ्या मैदानावर होणार आहेत. भारत आणि पाकिस्तान यांच्यातील हाय होल्टेज सामना अहमदाबाद येथील नरेंद्र मोदी स्टेडिअवर आयोजित करण्यात आलाय. विश्वचषकाला 5 ऑक्टोबर 2023 पासून सुरुवात होत आहे... स्पर्धा सुरु होण्यास चार महिन्यापेक्षा कमी कालावधी बाकी आहे, त्यामुळे आयसीसी लवकरात लवकर वेळापत्रक जाहीर करु शकते. 27 जून रोजी मुंबईतील कार्यक्रमात वेळापत्रकाची घोषणा होण्याची शक्यता आहे.