Sachin Tendulkar Vs Joe Root Test Stats : सचिन तेंडुलकर आणि जो रूट यांच्यात महान कोण? 151 कसोटीपर्यंत हैराण करणारी आकडेवारी!
न्यूझीलंडविरुद्धच्या दुसऱ्या कसोटी सामन्यात शतक झळकावल्यानंतर 33 वर्षीय रूटने 151 सामन्यांमध्ये 12,886 धावा केल्या आहेत. यामुळे तो सर्वकालीन धावा करणाऱ्यांच्या यादीत पाचव्या स्थानावर आला आहे.
Sachin Tendulkar Vs Joe Root Test Stats : स्टार इंग्लिश फलंदाज जो रूटचा फॉर्म बघितला तर त्याची तुलना आता महान सचिन तेंडुलकरशी केली जात आहे. भविष्यात सचिनचा कसोटी विक्रम कोणी मोडू शकला तर तो रुट असेल, असे मानले जाते. बेन स्टोक्सकडे इंग्लंडचे कर्णधारपद सोपवल्यानंतर रूटने आपली संपूर्ण ऊर्जा फलंदाजीवर केंद्रित केली आहे. त्यानंतर त्याचे आकडेही बदलले आहेत. न्यूझीलंडविरुद्धच्या दुसऱ्या कसोटी सामन्यात शतक झळकावल्यानंतर 33 वर्षीय रूटने 151 सामन्यांमध्ये 12,886 धावा केल्या आहेत. यामुळे तो सर्वकालीन धावा करणाऱ्यांच्या यादीत पाचव्या स्थानावर आला आहे. तो दुसऱ्या क्रमांकावर असलेल्या रिकी पाँटिंगपेक्षा फक्त 492 धावांनी मागे आहे.
रूट 2021 पासून उत्कृष्ट फॉर्ममध्ये आहे, त्याने 54 कसोटींमध्ये 56.25 च्या सरासरीने आणि 19 शतकांसह 5,063 धावा केल्या आहेत. त्याच वेळी, सचिन तेंडुलकर हा कसोटीत 50 पेक्षा जास्त शतके करणारा एकमेव खेळाडू आहे, ज्याने 51 शतके आणि 68 अर्धशतके, 15,921 धावांच्या विक्रमासह निवृत्ती घेतली.
रुट विरुद्ध तेंडुलकर 151 कसोटी सामने
कारकिर्दीतील 151 व्या कसोटीपर्यंत, रूटने तेंडुलकरपेक्षा 30 अधिक डाव खेळले होते आणि त्याने 12,886 धावा केल्या होत्या, जे महान भारतीय फलंदाजाच्या 11,939 धावांपेक्षा जास्त आहे. सचिनची सरासरी 54.02 आहे, तर रूटची 50.93 आहे. तर रुटच्या नावावर कमी शतके आहेत. (39 वि. 36) दुसरीकडे, रुटने इतक्याच सामन्यांमध्ये अधिक अर्धशतके (64 वि. 49) केली आहेत.
JOE ROOT IN STYLE 😮💨
— Cricket on TNT Sports (@cricketontnt) December 7, 2024
What a way to bring up his century 💯
📺 Watch #NZvENG on TNT Sports and discovery+ pic.twitter.com/UOJVGBMfUi
परदेशी भूमीवरील विक्रम
151 कसोटींनंतर, सचिन तेंडुलकरने 87 परदेशी कसोटींमध्ये 23 शतके आणि 28 अर्धशतकांसह 53.70 च्या सरासरीने 6,821 धावा केल्या होत्या. त्याच वेळी, जो रूटने 73 परदेशी कसोटींमध्ये 15 शतके आणि 32 अर्धशतकांसह 47.66 च्या सरासरीने 6,128 धावा केल्या आहेत.
घरच्या मैदानावर रेकॉर्ड
घरच्या मैदानावर कामगिरीबद्दल बोलायचे तर, सचिनने 64 घरच्या कसोटी सामन्यांमध्ये 54.44 च्या सरासरीने 16 शतके आणि 21 अर्धशतकांसह 5,118 धावा केल्या आहेत. तर जो रूटने 78 घरच्या कसोटी सामन्यांमध्ये 54.94 च्या सरासरीने 21 शतके आणि 32 अर्धशतकांसह 6,758 धावा केल्या आहेत.
सचिन आणि रूट यांच्यात एकंदरीत मास्टर कोण?
तेंडुलकरला 151 कसोटी खेळताना शतक झळकावण्यासाठी सुमारे 6 डाव लागले, ज्यात 246 डावांमध्ये 39 शतके आहेत. याउलट, रूटने शतक झळकावण्यासाठी जवळपास 8 डाव खेळले आहेत. यामध्ये 276 डावांमध्ये 36 शतकांचा समावेश आहे. यावरून तेंडुलकर आपल्या डावाचे शतकांमध्ये रूपांतर करण्यात अधिक माहिर होता हे दिसून येते. रुटने 151 कसोटी सामन्यांनंतर तेंडुलकरपेक्षा जास्त धावा केल्या आहेत. जो रूटची कारकीर्द अद्याप संपलेली नाही आणि तो सतत पुढे जात आहे, परंतु सचिनचे आकडे असे 'मैलाचे दगड' आहेत ज्यांनी क्रिकेट जगतात खळबळ उडवून दिली.
इतर महत्वाच्या बातम्या
महत्त्वाच्या बातम्या
