ऑस्ट्रेलियाचे महान क्रिकेटर एलन बॉर्डर यांना सेहवागचं आव्हान

नवी दिल्ली: ऑस्ट्रेलियाचे महान क्रिकेटपटू एलन बॉर्डर यांना त्यांच्या 61 व्या वाढदिवसाच्या सर्व क्रिकेटपटूंनी शुभेच्छा दिल्या. मात्र, भारतीय क्रिकेट संघाचा माजी धडाकेबाज फलंदाज विरेंद्र सेहवागने आपल्या हटके स्टाईलमध्ये त्यांना शुभेच्छा दितानाच, आव्हान दिले आहे.   सेहवागने ट्विटरच्या माध्यमातून शुभेच्छा दिल्या असून, यामध्ये, ''हॅपी बर्थडे एल बॉर्डर. लहानपणी मी एक विनोद ऐकला होता. पण बॉर्डरसाहेब आम्ही 'बॉर्डर' नावचा चित्रपटच बनवला. तुम्ही अजून गावस्कर बनवू शकला नाही.आता तेंडुलकरला तरी तयार करा.'' असे म्हटले आहे.  

Hpy Bdy Allan Border.Hearing joke since childhood,but Border Sahab we made film Border,you still haven't made Gavaskar,chalo make Tendulkar.

— Virender Sehwag (@virendersehwag) July 27, 2016

  सेहवागच्या या विनोदी शैलीमुळे सोशल मीडियावर त्याचे चाहते त्याच्या प्रत्येक प्रतिक्रीयेची वाट पाहात असतात. यापूर्वी देखील सेहवागने आपल्या हटके स्टाईलमध्ये अनेक सेलिब्रेटींना वाढदिवसांच्या शुभेच्छा दिल्या आहेत.   नुकतेच सेहवागने ट्विटरवरून पाकिस्तानचा क्रिकेटपटू उमर अकमलची खिल्ली उडवली होती. त्यामुळे पाकिस्तानमधील क्रिकेटच्या चाहत्यांनी त्याच्यावर टीकेची झोड उठवली होती.