एक्स्प्लोर

निवडणूक निकाल २०२४

(Source: ECI | ABP NEWS)

पंजाब किंग्जला प्लेऑफच्या शर्यतीत राहण्यासाठी संधी; सनरायझर्स हैदराबाद खेळ बिघडवू शकतो

IPL 2021: पंजाब किंग्जसाठी आजचा सामना खूप महत्त्वाचा आहे. जर पंजाबने आज सामना गमावला तर त्यांची प्लेऑफमध्ये जाण्याची शक्यता कमी होईल.

By : एबीपी माझा वेबटीम | Updated at : 25 Sep 2021 02:55 PM (IST)

Punjab Kings last chance for play off, Hyderabad can spoil the party पंजाब किंग्जला प्लेऑफच्या शर्यतीत राहण्यासाठी संधी; सनरायझर्स हैदराबाद खेळ बिघडवू शकतो

संग्रहित छायाचित्र

PBKS Vs SRH: शनिवारी खेळल्या जाणाऱ्या दुसऱ्या सामन्यात पंजाब किंग्जचा सामना सनरायझर्स हैदराबादशी होणार आहे. पंजाब आणि हैदराबादचे संघ सध्या गुणतालिकेत सातव्या आणि आठव्या स्थानावर आहेत. पंजाब किंग्जला सनरायझर्स हैदराबादचा पराभव करून प्लेऑफच्या आशा जिवंत ठेवण्याची संधी आहे.

पंजाब किंग्जला गेल्या दोन हंगामांपासून जवळच्या सामन्यांमध्ये हार स्वीकारावी लागली आहे. राजस्थान रॉयल्सविरुद्धच्या सामन्यात पंजाब किंग्सने दोन धावांच्या फरकाने सामना गमावला. पंजाब किंग्जचा कर्णधार लोकेश राहुलसाठी हैदराबादविरुद्धचा सामना हा करो किंवा मरो या सामन्यासारखा आहे, संघासाठी जिंकणे आवश्यक आहे.

आयपीएल 2016 चा चॅम्पियन हैदराबाद संघाचा पंजाब किंग्जविरुद्ध चांगला रेकॉर्ड आहे. जॉनी बेअरस्टो सध्या हैदराबादसाठी आघाडीचा स्कोअरर आहे. पण, तो दुसऱ्या टप्प्यात सहभागी झाला नाही. त्याच्या अनुपस्थितीत मनीष पांडे सहा सामन्यांत 210 धावांसह सर्वाधिक धावा करणारा खेळाडू आहे.

IPL 2021 Points Table: चेन्नई गुणतालिकेत अव्वल, तिसऱ्या स्थानी असूनही विराटच्या RCBच्या अडचणी वाढल्या

हैदराबादची शेवटची आशा
सनरायझर्स हैदराबादला 8 पैकी 7 सामन्यात पराभव पत्करावा लागला आहे. सनरायझर्स हैदराबाद आता फक्त मैदानातील इतर संघांचा खेळ बिघडवण्यासाठीच उतरेल असं दिसतंय. जर हैदराबादचा संघ उर्वरित 6 सामने जिंकला तर त्याच्यासाठी संधी निर्माण होऊ शकते.

अर्शदीप सिंग पंजाबसाठी किफायतशीर ठरत आहे आणि डेथ ओव्हर्समध्ये महत्त्वपूर्ण विकेट घेत आहे. मोहम्मद शमीही गेल्या सामन्यात खूप प्रभावी ठरला आणि त्याने राजस्थानला मोठी धावसंख्या करण्यापासून रोखले.

आयपीएल 2021 च्या दुसऱ्या टप्प्याचे संपूर्ण वेळापत्रक (IPL 2021 Second Phase Mumbai Indians Schedule)