एक्स्प्लोर

धोनी मैदानात कर्णधार नसल्याचं विसरला तेव्हा...

By : एबीपी माझा वेब टीम | Updated at : 16 Jan 2017 06:12 PM (IST)

पुणे : कर्णधार विराट कोहली आणि त्याचा मराठमोळा शिलेदार केदार जाधव या दोघांनीही जबरदस्त शतकं ठोकून, पुण्याच्या पहिल्या वन डेत इंग्लंडला तीन विकेट्सनी नॉकआऊट पंच दिला. शतकी खेळी करणारा केदार जाधव मॅन ऑफ दी मॅचचा मानकरी ठरला. या सामन्यात इंग्लंडने भारतीय गोलंदाजांची धुलाई करून 50 षटकांत 7 बाद 350 धावांचा डोंगर उभा केला होता. पण विराट आणि केदारने पाचव्या विकेटसाठी 147 चेंडूंत 200 धावांची भागीदारी रचून इंग्लंडचा तो डोंगर लिलया सर केला. या सामन्यात एक क्षण असा आला जेव्हा टीम इंडियाचा माजी कर्णधार महेंद्र सिंह धोनी आपण कर्णधार नसल्याचंच विसरला. त्याने कर्णधार विराट कोहलीच्या अगोदरच डीएरएससाठी इशारा केला. हार्दिक पांड्याच्या गोलंदाजीवर 27 व्या ओव्हरमध्ये इंग्लंडचा कर्णधार इयॉन मॉर्गन खेळत असताना हा क्षण आला. मॉर्गनच्या कटचा झेल धोनीच्या हातात गेल्यानंतर त्याने बाद देण्यासाठी अपील केली. मात्र अम्पायरने त्याला नकार दिला. पण त्याचवेळी धोनीने तातडीने डीआरएससाठी इशारा केला. डीआरएससाठी इशारा केवळ कर्णधाराला करता येतो. मात्र धोनी कदाचित हे विसरला आणि त्याने विराटच्या आधीच डीआरएससाठी इशारा केला. विराटनेही धोनीचा आत्मविश्वास पाहत डीआरएससाठी इशारा केला. धोनीचा हा आत्मविश्वास अगदी खरा ठरला. अम्पायरने दिलेला निर्णय चुकीचा ठरत इयॉन मॉर्गनला तंबूत परतावं लागलं. पाहा व्हिडिओ : संबंधित बातम्या :